Taıland parlamenti birjynysty neke týraly zań qabyldady
ASTANA. KAZINFORM – Taıland parlamentiniń tómengi palatasy birjynysty nekeni zańdy túrde taný týraly zań jobasyn maquldady. Bul týraly VVS jazdy.
Zań jobasyn Taıland Senaty men koroli áli de maquldaýy kerek. Biraq zań bul kezeńderden ótip, jyl sońyna qaraı Taıland Ońtústik-Shyǵys Azııadaǵy birjynysty odaqtardy moıyndaǵan birinshi el bolady dep josparlanyp otyr.
«Bul – teńdiktiń bastaýy. Atalǵan zań osy toptaǵy adamdarǵa bul quqyqtardy syılaýdy emes, qaıtarýdy qalaıdy», - dedi zań jobasyn palataǵa engizip jatqan depýtat Danýphorn Pýnnakanta.
Zań jobasyn qabyldaýǵa qatysqan 415 depýtattyń 400-i daýys berdi.
Zań mundaı nekeni burynǵydaı er men áıeldiń emes, eki adamnyń seriktestigi dep anyqtaıdy. Birjynysty juptar erli-zaıyptylarǵa beriletin salyq jeńildikterin paıdalanýǵa, bir-biriniń múlkin muragerlikke alýǵa jáne erli-zaıyptylardyń biri esinen tanyp qalǵan jaǵdaıda ony emdeýge kelisim berýge quqyly bolady.
Sondaı-aq birjynysty erli-zaıyptylar bala asyrap ala alady. Alaıda, depýtattar tıisti komıtettiń «áke men ana» degen sózdiń ornyna «ata-ana» termınin qoldaný týraly usynysyn qabyldaǵan joq.
