Taıaý arada azamattardy emdeýge shetelge jiberý qajettiligi bolmaıdy - QR Densaýlyq saqtaý mınıstrligi
Osy oraıda densaýlyq saqtaý júıesindegi keıbir kórsetkishterdiń bir jyldaǵy qorytyndysy men donorlyq otalar boıynsha málimetterdi usynýdy jón kórdik. Atap aıtqanda, búgin Astanada ótken brıfıngte QR Densaýlyq saqtaý vıtse-mınıstri Erik Baıjúnisov bir jyldyń ishinde elimizdegi statsıonarlar arqyly 2 mln. 700 myńnan astam adam em qabyldaıtynyn, kún saıyn statsıonarda 7 myń 540 adam em alatynyn tilge tıek etti.
Onyń sózine qaraǵanda, jyl saıyn aýrýhanalarda 713 myńnan astam aýrýǵa ota jasalady eken. «Bul - bir jylda jasalatyn otalar. Kún saıyn bizdiń statsıonarlarda 1 850 ota jasalady. ıAǵnı, aptanyń demalys jáne mereke kúnderine qaramastan operatsııalar ótkiziledi»,-dedi E. Baıjúnisov.
Budan bólek, jyl saıyn perzenthanalarda 277 myńnan astam áıel bosanady. Al ár kún saıyn ortasha eseppen alǵanda perzenthanalarda 1 myń 35 áıel nárestelerin ómirge ákeledi.
Sonymen qatar bir jylda elimizdiń halqy jedel-járdem kóligin 6 mln. 175 myń márte shaqyrady. Atap aıtqanda, kún saıyn jedel-járdem kóligi 16 myń 900 ret shaqyrylady eken. Bul densaýlyq saqtaý júıesinde atqarylatyn aýqymdy jumystardyń bir parasy.
«Bir jylda bizdiń emhanalarda 110 mln. 989 ret, ıaǵnı kún saıyn 417 myń 880 adam qaralady. Sondyqtan halyqtyń osyndaı eleýli bóligine medıtsınalyq kómek kórsete otyryp, biz medıtsınalyq memlekettik organ retinde bir mezette barlyq problemany sheshe almaımyz», -deıdi vıtse-mınıstr.
Osy oraıda ol eki jyl buryn Densaýlyq saqtaý mınıstrligi júıede qordalanǵan máselelerdi sheshý turǵysynda qoǵamdyq uıymdardy belsendi tartý boıynsha naqty aıqyndalǵan baǵyt-baǵdarǵa jol bastaǵanyn atap ótti.
Adamnyń densaýlyǵynyń 50 paıyzy onyń salaýatty ómir saltyna qatysty. Densaýlyq saqtaý júıesine tek 10 paıyzy ǵana tıesili. E. Baıjúnisovtiń paıymdaýynsha, sondyqtan da barlyq problemany tek densaýlyq saqtaý júıesi arqyly sheshý múmkin emes.
«3-4 jyl buryn biz shetelde em qabyldaý úshin azamattardy 20-dan astam aýrý túri boıynsha jibergen bolatynbyz. Sebebi, bizde tıisti klınıkalar men apparatýralar, qajetti mamandar bolmady. Bul másele mınıstrlik tarapynan erekshe baqylaýǵa alynyp, osy oraıda búginde biz shetelge tek 8 aýrý túri boıynsha jiberýdemiz», - dedi vıtse-mınıstr. ıAǵnı, endi atalǵan em-domnyń birqataryn Qazaqstanda jasaý jolǵa qoıylyp otyr.
Belgili bolǵandaı, búgingi tańda elimiz boıynsha shetelderge emdeýge jiberý kezeginde 161 naýqas tur, olardyń ishinde 133 adam, ıaǵnı tizimdegilerdiń 86,6%-y organdardy transplanttaýdy qajet etedi.
E. Baıjúnisovtyń sózinshe, elimizde múshelik donor máselesi túbegeıli sheshilmegen kórinedi. «Bul turǵyda tıisti jumystar júrip jatyr. Qoǵamdyq keńes barysynda biz qoǵamdyq uıymdardy tartý arqyly ár adamǵa organ donorlyǵy kóptegen naýqastardyń ómir súrýiniń jalǵyz joly ekenin qalaı jetkizý kerek ekenin talqyladyq. Óz erkimen donor bolý baǵytyn damytpasaq, bul problemany túbegeıli sheshý múmkin bolmaıdy», - deıdi ol.
Osy oraıda erekshe atap ótetin jaıt, naýqastardy organdar men tinderdi transplanttaýǵa jiberý qarjyǵa emes, qajetti donordyń tabylýyna baılanysty. Ondaı donordy izdeýge ádette 6 aıdan 2-3 jylǵa deıin ýaqyt ketedi eken.
«Menińshe, taıaýda azamattardy emdeýge shetelge jiberý qajettiligi bolmaıdy. Sebebi, biz barsha naýqastardy elimizde emdeıtin deńgeıge jetemiz», - deıdi vıtse-mınıstr.
Atalǵan vedomstvonyń statıstıkalyq málimetterine toqtalatyn bolsaq, Qazaqstanda 2012 jyly naýqastardy shetelderge emdeýge jiberýge bıýdjetten 678,5 mln. teńge qarajat bólinip, 55 naýqas, onyń ishinde 34 bala (61%) emdeldi.
Solardyń ishinde organdar men tinderdi transplanttaýǵa 30 adam, onyń ishinde 24 naýqas kemik maıyn, 4 naýqas búıregin, 3 naýqas baýyryn transplanttaýǵa jiberildi. Qalǵan 25 adam onkologııalyq, kardıohırýrgııalyq jáne neırohırýrgııalyq jáne ózge de aýrý túrleri boıynsha emdeýge baǵyttaldy.
Al 2013 jyly azamattardy shetelderde emdeýge bıýdjetten 1 mlrd. teńgege jýyq qarajat qarastyrylyp otyrǵan kórinedi.
Onyń aıtýynsha, otandyq medıtsınany damytý buryndary shetelderge jiberilip kelgen aýrý túrlerin qysqartýǵa múmkindik berdi. Tıisinshe, qazirgi zamanǵy tehnologııalardy engizý arqyly kóptegen kúrdeli otalar Qazaqstanda jasalýda.
Máselen, 2012 jyly shetelderge jiberilýi tıis bolǵan 99 naýqas otandyq klınıkalarda emdelip shyqty. Olardyń ishinde 50 búırek transplantatsııasy, 1 júrek tranplantatsııasy, eresekterge 22 kemik maıy tranplantatsııasy, balalarǵa 8 kemik maıy tranplantatsııasy atqaryldy. Sondaı-aq, sheteldik mamandardy shaqyra otyryp, 12 balaǵa Qazaqstanda operatsııa jasaldy.
Kúrdeli otalardyń qatarynda 2012 jyly A.N. Syzǵanov atyndaǵy ulttyq hırýrgııa ǵylymı ortalyǵynda japondyq áriptestermen birlesip 5 baýyr transplantatsııalandy.
Eger buryndary naýqastar kardıohırýrgııalyq operatsııalar jasatý úshin shetelderge baǵyttalyp kelse, búgingi tańda elimizde ashyq júrekke 1500-den astam operatsııa jasaldy, onyń 87-si biregeı sanalady.
Kardıohırýrgııa boıynsha biz 10 úzdik eldiń qataryna enip otyrǵanymyzǵa toqtalǵan vıtse-mınıstr, «Biz qazir birde bir júrek patologııasy boıynsha shetelge jebermeımiz, barlyǵyn memlekettiń ishinde jasaımyz. Al bul kezeginde kezinde shetelge baratyn emdelýshilerdiń basym bóligin quraıtyn edi», - dep atap ótti E. Baıjúnisov. Onyń paıymdaýynsha, 2-3 jyldan keıin TMD elderinen naýqastardy keńinen qabyldaýǵa tolyq múmkindik bar. Bul turǵyda Qazaqstanda barlyq múmkindikter bar.
