Taýyp alǵan dáninen esirtki ósirgen túrkistandyq jaýapqa tartylady

NUR-SULTAN. QazAqparat – Túrkistan oblysynyń Jetisaı aýdandyq polıtsııa bóliminiń qyzmetkerleri úıiniń aýlasyna esirtki ekken turǵyndy anyqtady, dep habarlaıdy QazAqparat oblystyq PD baspasóz qyzmetine silteme jasap.

«Jetisaı aýdandyq polıtsııa bóliminiń qyzmetkerleri esiginiń aldynda esirtki ósirip otyrǵan turǵyndy «Qarasora-2022» jedel-profılaktıkalyq sharasy kezinde anyqtady. Polıtseıler aýlada ósip turǵan 3 túp ósimdikti aıǵaq retinde tárkilep, saraptama taǵaıyndady. Saraptama qorytyndysy onyń sora ósimdigi ekendigin rastady. Tártip saqshylary kúdiktini polıtsııa bólimine jetkizdi», - dep málimdeıdi departamentten.

Anyqtalǵandaı, er adam aýdanǵa qarasty egistik alqabynyń shetinen sirińke qorabyn taýyp alǵan. Onyń ishindegi zattyń esirtkige uqsas ekendigin bilip, ósirý úshin úıine alyp kelgen.

Qazirgi tańda QR QK-niń 300-baby 1-bóligi «Quramynda esirtki zattary bar, ósirýge tyıym salynǵan ósimdikterdi zańsyz egip-ósirý» boıynsha kúdiktige qatysty sotqa deıingi tergeý amaldary júrgizilip jatyr.

Aıta ketsek, Túrkistan oblysynyń turǵyndary eki qap esirtkimen ustaldy.