Táýlik ishinde elordada 70-ten astam jol apaty boldy

NUR-SULTAN. QazAqparat – Táýlik ishinde elordada 70-ten astam jol-kólik oqıǵasy tirkeldi, dep habarlaıdy QazAqparat tilshisi.

«Bir táýlikte qalada 76 jol-kólik oqıǵasy tirkeldi. Osy oraıda kún raıynyń qubylmalylyǵyna baılanysty júrgizýshiler joldaǵy qozǵalysta barynsha saq bolǵany jón. Kólikti basqarý kezinde túrli gadjetterge jáne telefonǵa alańdamaı, joldaǵy qaýipsizdik erejesin ustaný kerek», - dep eskertti qalalyq Polıtsııa departamentinen.

Taratylǵan málimetke qaraǵanda, keshe túski ýaqytta «Astana-Qaraǵandy» joly boıymen Armandastar kóshesine qaraı baǵytta birneshe avtokólik soqtyǵysqan. Sonyń saldarynan «Volkswagen» markaly kóliginiń úsh jolaýshysy dene jaraqattaryn aldy. Dárigerler teksergennen keıin, olar úılerine jiberildi. Osy jol-kólik oqıǵasy boıynsha tekserý júrip jatyr.

Sonymen qatar polıtseıler jaıaý júrginshiler de joldaǵy erejelerge mán berýi kerektigin eskertti.