Taýǵa barmańyzdar: ShQO-da qar kóshkinine baılanysty eskertý jasaldy

Shyǵys Qazaqstan oblysynda aldaǵy 3 kúnde qar kóshkini júrýi múmkin, dep habarlaıdy Kazinform tilshisi.

ShQO tótenshe jaǵdaılar baspasóz qyzmetiniń málimetine súıensek, 6-8 qańtar aralyǵynda óńirde qar kóshkini júrý qaýpi bar.

«Meteorologııalyq jaǵdaıdyń ózgerýine, jıi qar jaýýyna jáne jeldiń kúsheıýine baılanysty oblystyń taýly jerlerinde qar kóshkini túsýi yqtımal. Osy rette turǵyndarǵa barynsha abaı bolýdy, eshbir jaǵdaıda taýǵa shyqpaý qajettigin eskertemiz. Eger qandaı da bir qıyndyqqa tap bolsańyz, birden 112 nómirine qońyraý shalyńyz», — dep habarlady vedomstvo ókilderi.

Sondaı-aq qutqarýshylar óńir jurtshylyǵyna alys saparǵa shyǵar aldynda joldyń jaı-kúıin «Dármen» mobıldi qosymshasy arqyly tekserip otyrýǵa keńes berdi.