Taýǵa baratyn týrıster TJM-ge onlaın habar bere alady

ASTANA. KAZINFORM – Osy aptada Týrızm jáne sport mınıstrligi týrısterdiń taýly aımaqtardaǵy qaýipsizdigin qamtamasyz etý úshin TJM bólimshelerine óz marshrýttary týraly mindetti túrde habarlaý normasy týraly aıtqan edi. Búgin Tótenshe jaǵdaılar vıtse-mınıstri Kegen Tursynbaev bul jańashyldyqqa qatysty pikirin aıtty. 

— Árıne bizdiń týrıster ózderi taýǵa ketip qalady da, adasyp ketedi. Keıin olardy týystary izdeı bastaıdy. Olar da qaı jerge barǵanyn bilmeıdi, al biz óz tarapymyzdan jedel kómek kórsetýimiz kerek. Sol úshin zańǵa ózgeris engizip jatyrmyz, jergilikti organdarmen birlesip, arnaıy tizim jasaımyz. Osylaısha, bireý joǵalyp ketse, jyldam taba alamyz, − dedi Kegen Tursynbaev Senat kýlýarynda.

Onyń aıtýynsha, týrıster óz sapary týraly TJM-ge onlaın habar berýge bolady. Alaıda, ázirge platforma belgisiz.

Aıta keteıik, sońǵy bes jylda 400-den astam qutqarý operatsııasy júrgizildi. Tek ótken jazda 112 jaǵdaı tirkelgen.