Taýeshkilerdi zańsyz atyp alǵan Almaty oblysynyń turǵyny ustaldy

TALDYQORǴAN. QazAqparat – Almaty oblysynyń turǵynynan taýeshkiniń bólshektelgen ushasy tabyldy, dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, polıtseıler orman sharýashylyǵy qyzmetkerlerimen jáne áskerı qyzmetshilermen birge óńir aýmaǵynda arnaıy reıd uıymdastyrdy. Taý bókterindegi jerlerdi qaraý barysynda, Alakól aýdany Kóktuma aýylynyń 53 jastaǵy turǵynynyń jaıylymdyq ýchaskesinen paketke salynǵan 2 taýeshkiniń eti tabyldy.

Ustalǵan azamat Sarybókter taýly aımaǵynan ańshylyq qarýmen 2 taýeshkini atyp alǵanyn moıyndady.

Qazirgi ýaqytta jedel tergeý amaldary júrgizilýde. QR QK-niń 337-baby («Zańsyz ań aýlaý») boıynsha qylmystyq is qozǵalyp, SDTBT tirkeldi. Bólingen 2 taýeshkiniń eti, myltyq, patron gılzasy jáne basqa da zattar aıǵaqzat retinde tirkelip, tárkilendi. Sotqa deıingi tergeý amaldary bastaldy.