Táýelsizdik kúnine oraı otshashý bolmaıdy – elorda ákimdigi

ASTANA. KAZINFORM – 16 jeltoqsan Qazaqstan Respýblıkasy Táýelsizdiginiń 33 jyldyǵyna oraı elordada merekelik otshashý bolmaıdy. Bul aqparatty qala ákimdigi rastady.

- Táýelsizdik kúnine oraı Astanada 50-den astam túrli merekelik jáne resmı is-shara ótedi. Onyń ishinde kórmeler, kontsertter, sýret baıqaýlary, týrnırler men spartakıadalar sııaqty is-sharalar bar. Otshashý bolmaıdy – dep jaýap berdi Astana qalasy ákiminiń baspasóz hatshysy Aqmaral Oljabaeva agenttik tilshisine.

Astanada Táýelsizdik kúnine oraı ótetin is-sharalardyń ýaqyty men orny týraly myna siltemege ótip tanysýǵa bolady.

Eske sala ketsek, Respýblıka kúnine oraı, Astanada demeýshilerdiń qoldaýymen merekelik otshashý uıymdastyryldy.