Táýelsizdik kúninde 7 egiz dúnıege keldi

ASTANA.KAZINFORM — Qazaqstan Respýblıkasynyń Táýelsizdik kúni elimizdiń medıtsınalyq uıymdarynda 725 sábı, onyń ishinde 7 egiz dúnıege keldi. Bul týraly Densaýlyq saqtaý mınıstrligi málim etti. 

Bul kúni 362 ul bala ómirge kelse, dúnıe esigin ashqan qyz balanyń sany 363.  

— Táýelsizdik kúninde balalardyń dúnıege kelýi — el úshin de, qýanyshy atap ótetin otbasylar úshin de erekshe oqıǵa. Perzenthanalardyń medıtsına qyzmetkerleri mereke kúni analar men jańa týǵan nárestelerge sapaly jáne ýaqtyly kómek kórsetip, jaýapkershilik pen biliktiliktiń joǵary deńgeıin rastady, — delingen habarlamada.

Ata-analardy otbasylaryndaǵy tolyǵýlarymen quttyqtaımyz jáne jańa týǵan nárestelerge myqty densaýlyq, baqytty balalyq shaq jáne táýelsiz Qazaqstanda jarqyn bolashaq tileımiz.

Aıta keteıik, Astanada Táýelsizdik merekesi kúni 18 sábı dúnıege keldi.