Táýelsizdik kúni bir top shymkenttik jastar baspanaly boldy

ShYMKENT. QazAqparat – Shymkentte jastar qonys toıyn toılady. Qala ákimi Erlan Aıtahanov Jastar jyly aıasynda jumys isteıtin 30 jas mamanǵa páter kiltin tabystady, dep habarlaıdy QazAqparat tilshisi.

Jastarǵa berilgen páterler Aqnazar han kóshesindegi kópqabatty úılerde ornalasqan.

Saltanatty shara barysynda shahar basshysy memlekettik baǵdarlamanyń erekshiligi jastarǵa óziniń bolashaqtaǵy jeke menshik úıiniń bastapqy jarnasyn jınaqtaýǵa mol múmkindik beretinin atap ótti.

«Atalǵan turǵyn úıler satyp alý quqyǵynsyz 5 jylǵa jalǵa beriledi. ıAǵnı, jastarymyz páterden-páterge kóship júrmeı, aı saıyn naryqtaǵy páteraqynyń ornyna 5-7 myń teńge kólemindegi tólemaqyny tóleıdi. Jyl sońyna deıin qalada jumys isteıtin 904 jas pátermen qamtamasyz etiledi»,- dedi qala ákimi.

Aıta keteıik, Qazaqstan Respýblıkasynyń Tuńǵysh Prezıdenti N.Á.Nazarbaev Jastar jylynyń ashylý saltanatynda 2019-2021 jyldary Nur-Sultan, Almaty, Shymkent qalalarynyń ákimderine jastar úshin jyl saıyn 1000 páter salýdy tapsyrǵan bolatyn. Osyǵan baılanysty Shymkentte aǵymdaǵy jyly respýblıkalyq bıýdjetten 6,4 mlrd teńge qarjy qaralyp, jalpy alańy 58 500 sharshy metrdi quraıtyn 904 páterdi paıdalanýǵa berý josparlanǵan. Onyń ishinde, 304 páter qurylysyn salý arqyly jáne 600 páter satyp alý arqyly úlestiriledi.

Táýelsizdik kúni merekesine oraı «Kaz Medeo Grand» JShS qurylys jumystaryn júrgizgen turǵyn úıdiń qurylysy aıaqtalyp, paıdalanýǵa berildi.

Baspanaly bolǵan jastar páterdi satyp alý quqyǵynsyz jalǵa beriletin turǵynjaı berý qaǵıdasyna sáıkes alǵan. Úmitkerlerdiń qujaty jınaqtalyp, páterlerdi bólý boıynsha arnaıy komıssııa jumys istedi.