Tatýlyq - turaqtylyq kepili
Eger birtutas bolatyn bolsaq, bári qolymyzdan keledi. Myna qıyndyqtardy yntymaqpen eńserip, damýdyń jańa jolyn shyǵý qajet», - dep, kúrdeli kezeńdi tatýlyq pen tynyshtyq jaǵdaıynda ótkerýge shaqyrdy. Elbasy qoǵam men memlekettiń tutastyǵyna nuqsan keltiretin adamdardyń jaýapqa tartylatynyn aıtty.
Qazirgi daǵdarysqa qarsy sharalardyń, júrgizilip otyrǵan búkil reformalardyń tabysty bolýy qoǵam ishindegi beıbit ahýalǵa, áleýmettik tynyshtyqqa tikeleı baılanysty. Ekonomıkalyq salanyń turaqtanýy saıası, áleýmettik ómirdiń tynyshtyǵy, bekemdigi jáne qazaqstandyq qoǵamnyń ózara tyǵyz uıysýy negizinde júzege asady. Al kez kelgen teris ózgerister qoǵamdyq júıeni silkindirip, adamdardyń ál-aýqatynyń nasharlaýyna ákep soǵatynyn osyndaı jaǵdaılar oryn alǵan elderdiń tájirıbesinen aıqyn kórip otyrmyz. Kezinde kórshi qyrǵyz elinde oryn alǵan saıası shıelenisterdiń saldary áli kúnge deıin el ekonomıkasynyń nyq turýyna salqynyn tıgizip keledi. Ýkraınadaǵy saıası turaqsyzdyq búgingi kúni búkil álem elderin alańdatýda.
Áleýmettik turaqtylyqty bir orynda qatyp qalý emes, evolıýtsııalyq túrde damý dep túsingen abzal. Daǵdarystyń odan ári tereńdeýine jol bermeý sıpatyndaǵy sharalar birtindep júzege asyryla bastady. Otandyq óndiristi qoldaý, strategııalyq nysandardyń qurylysyn toqtatpaý sharalary ulttyq valıýtanyń álemdik naryq qubylystaryna táýeldiligin azaıtýǵa baǵyttalyp otyr. Qoǵamda pisip jetilgen túrli máselelerdi der kezinde sheshý áleýmettik turaqtylyqty saqtap qalýdyń basty sharty ekendigin tereń túsingen el basshylyǵy teńge baǵamy kúrt túskennen keıin birden áleýmettik jaǵdaıy tómen toptarǵa jedel kómek berý joldaryn qarastyrý jóninde tapsyrma berdi jáne daǵdarys kezeńinde de áleýmettik járdemaqylardyń qysqartylmaıtynyn basa aıtty.
Іshki áleýmettik turaqtylyqqa qater tóndiretin syrtqy faktorlardyń, onyń ishinde halyqaralyq geosaıası qaqytyǵystardyń kúsheıýi, túrli jahandyq syn-qaterler jaǵdaıynda Qazaqstannyń shet memlekettermen dostyq qarym-qatynas pen kópjaqty baılanystar qurýǵa kúsh salýǵa umtylýy da memleketishilik tynyshtyqty qamtamasyz etýden týyndaıdy. Shet memlekettermen saıası, ekonomıkalyq qarym-qatynas negizinde júzege asyrylatyn jobalar qazirgi ekonomıkalyq daǵdarys kezeńinde halyqtyń áleýmettik jaǵdaıynyń tómendep ketýiniń aldyn alýǵa zor yqpal jasaýy tıis. Ýaqytsha qıyndyqtarǵa qaramastan eldegi asa mańyzdy baǵdarlamalardy jalǵastyrý qoǵamnyń turaqtylyǵyn qamtamasyz etýge qabyletti eń qýatty áleýmettik faktor - halyqtyń ál-aýqatynyń quldyraýyn boldyrmaý maqsatynda júrgiziledi. Ásirese eldegi orta taptyń úlesin kóterý baǵytynda kóp is-sharalar qolǵa alynýda. Memlekettik, memleketaralyq deńgeıdegi iri ındýstrııalyq jobalardyń aınalasynda qurylatyn orta jáne shaǵyn bıznes nysandary qyzmet kórsetý, asa qajetti taýarlar óndirý isterimen aınalysatyn bolady jáne bul eldegi orta taptyń úlesin kóterýge yqpal ete alady. Turaqty jalaqysy bar, materıaldyq qanaǵattanýshylyǵy zor, joǵary bilikti eńbekke qabiletti adamdardyń ómirlik ustanymdary da turaqty, erteńgi kúnge degen senimderi nyq bolatyny barshaǵa aıan. Halyqtyń qazirgi ekonomıkalyq daǵdarys kezeńinde úkimet tarapynan qabyldanyp otyrǵan sharalarǵa túsinistikpen qaraýy, tózimdilik tanytýy eldiń bılikke, el basshysyna degen seniminiń aıǵaǵy jáne bul synaqtan abyroımen ótýge umtylýy. Tamyz aıynda bolǵan ulttyq valıýtanyń qunsyzdanýy, soǵan oraı baǵanyń birtindep ósýine qaramastan halyqtyń tynyshtyqty saqtaýy, túrli arandatýshylyqqa berilmeýi qoǵamdaǵy birlik pen yntymaqty baǵalaýdyń belgisi. Bılik organdarynyń da halyq senimine laıyq qyzmet etýi óz kezeginde ishki turaqtylyqtyń odan ári nyǵaıýyna yqpal etedi. Osy turǵyda «100 qadam» Ult josparynda atqarý, zańnamalyq jáne sot júıesi reformalaryna aıryqsha basymdyq berý olardyń qoǵamdy turaqtandyrýdaǵy rólin eskerýden týyndaǵan qadamdar.
Osy oraıda qoǵamdyq ómirdegi konsensýs rólin atqaryp otyrǵan Qazaqstan halqy Assambleıasy ınstıtýty negizgi qundylyqtarymyzdy saqtaýda jáne oryndaýda úlken jumystar atqarýǵa qabyletti birden bir organ. Elimizdegi sanalýan ult pen ulys ókilderiniń jumyla eńbek etip, bir maqsat pen múdde tóńiregine uıysýy memleket aldyndaǵy jaýapkershilikti seziný nátıjesinde kez kelgen tyǵyryqtan alyp shyǵa alatynyna tarıhı tájirıbemiz kýá. Demokratııalyq qoǵam qundylyqtary retinde pikirler plıýralızmine jol ashyq desek te, pikirler sanalýandyǵy janjal men iritki salýǵa emes, qoǵamdyq máselelerdiń memleket pen halyq úshin tıimdi, paıdaly, ońtaıly sheshimin tabýǵa qyzmet etýi tıis. Jalpyulttyq maqsattar men ıdeıalar birlik pen bereke ornaǵan jerde ǵana júzege asady.
