Tatarstanda ushaq qulap, úsh adam qaza tapty

ASTANA. KAZINFORM — Cessna-17 jeńil motorly ekskýrsııa ushaǵy RF Tatarstan Respýblıkasyndaǵy Lobach taýynyń janyndaǵy Kamskoe Ýste eldi mekeniniń mańynda qulap, saldarynan eki eresek adam men bala qaıtys boldy, taǵy bir adam zardap shekti, dep jazady TASS.

— Oqıǵa Lobach taýynyń janyndaǵy Kamskoe Ýste eldi mekeniniń mańynda boldy. Cessna-17 jeńil motorly ushaǵy apatqa ushyrady. Bortta barlyǵy tórt adam boldy, olardyń úsheýi qaıtys boldy, onyń ishinde bala bar. Taǵy bir adam zardap shekti, - dedi shuǵyl qyzmet ókilderi. 

Apattyń negizgi sebebi retinde tehnıkalyq aqaýlyq pen ushaqty basqarýdaǵy qatelik bolýy múmkin dep boljanǵan. 

Reseıdiń aımaqaralyq tergeý basqarmasynyń tergeýshileri oqıǵa ornyna baryp, RF Qylmystyq kodeksiniń 263-baby boıynsha (qozǵalys qaýipsizdigi men áýe kóligin paıdalaný erejelerin buzý) tergeý bastady.

Qylmystyq is qozǵaldy.