Tatarstan ǵalymdary TWESCO-men birlesken zertteýler ótkizýge múddeli

ASTANA. QazAqparat - Halyqaralyq Túrki akademııasynyń (TWESCO) prezıdenti Darhan Qydyráli Tatarstan ǵalymdarymen kezdesti, dep habarlaıdy QazAqparat tilshisi.

Akademııa baspasóz qyzmetiniń málimetinshe, kezdesýde taraptar ǵylymı uıymdar arasyndaǵy seriktestikti nyǵaıtý, birlesken ǵylymı zertteýler ótkizý týraly pikir almasty.

Tatarstan UǴA Arheologııa ınstıtýtynyń dırektory Aırat Sıtdıkov pen Qazan Federaldy ýnıversıteti janyndaǵy Shyǵystaný ınstıtýtynyń dırektory Ramıl Haırýtdınov ózderi basqaratyn qurylymdardyń Akademııamen birlese jumys isteýge múddeli ekendigin aıtty.

Óz kezeginde TWESCO basshysy uıymnyń ǵylymı baılanystar ornatýǵa ashyq ekendigin atap óte kele, 2019 jyly ótkizý josparlanǵan birqatar sharalarǵa toqtaldy. Atap aıtqanda, Akademııa basshysy Dúnıejúzilik túrkologtar kongresine daıarlyq, Altyn Ordanyń 750 jyldyǵyn atap ótý, túrki tarıhynda mańyzdy orny bar óńirlerge ekspedıtsııa uıymdastyrý týrasyndaǵy oılarymen bólisti.