Tasqynnan japa shekkenderdiń nesıesin shegerý algorıtmi qaralyp jatyr
ASTANA. KAZINFORM — Ulttyq banktiń basqarma tóraǵasy Tımýr Súleımenov BAQ ókilderimen ótken baspasóz máslıhatynda tasqynnan zardap shekken qazaqstandyqtardyń nesıesin shegerý jáne keshirý algorıtmin qaı organ ázirlep jatqanyn aıtty.
«Tasqynnan zardap shekken turǵyndardyń kóbiniń kóligi, úı, mal-jaıy men tehnıkasy nesıege alynǵany belgili. Osy nesıelerdi keshirý nemese shegere turýdyń ortaq algorıtmin kim ázirlep jatyr? Ulttyq bank bul iske qalaı atsalysady?» dep surady jýrnalıst.
Ulttyq bank basshysy bul máselege ózderiniń janama ǵana qatysy bar ekenin atap ótti.
«Jalpy bankterdi qadaǵalaý, bankterdi retteý - bizdiń de quzyrymyzdaǵy sharýa. Biraq eń birinshi onymen aınalysatyn — Qarjy naryǵyn retteý jáne damytý agenttigi. Sondyqtan, qazirgi tańda tasqynnan zardap shekkenderdiń nesıesin keıinge shegerý nemese kanıkýl berý, tolyǵymen keshirý sııaqty máselelerdi osy agenttik qarap jatyr. Kerek bolsa, ol jumysqa biz de qosylamyz. Biraq qazirgi tańda Qarjy naryǵy agenttiginiń qaraýynda bul másele», — dedi Tımýr Súleımenov.
