Tasqyn sý basqan Qulsaryny damytýdyń strategııalyq jospary jasalǵan

ATYRAÝ. KAZINFORM – Atyraý oblysyndaǵy tasqyn sý basqan Qulsaryny damytýdyń strategııalyq jospary jasalǵan.

Bul týraly Atyraý oblysynyń ákimi Serik Shápkenov Qulsaryda tasqyn sýdan zardap shekken turǵyndarmen kezdesýde aıtty.

Serik Shápkenovtyń aıtýynsha, Jylyoı aýdanynyń ortalyǵy – Qulsary qalasyndaǵy Mahambet dańǵylynda ornalasqan 2 qabatty 8 apatty úıdi buzý máselesi sheshimin tapqan.

«Turǵyndar kóterip otyrǵan máseleniń biri – Dostyq shaǵyn aýdany men 5-ýchaskeniń aralyǵyn jalǵaıtyn kópirdi jańartý máselesi. Bul kópirdiń tozyǵy jetken. Sol sebepten, ony jańartýǵa qajetti qarjy bólinip, jumystar bastalady. Qulsary qalasyn damytý jospary boıynsha barlyq jumys atqarylady. Alaıda, dál qazirgi sátte birinshi kezekte turǵan mindet – cý tasqynynan zardap shekken turǵyndardyń shyǵyndaryn óteý, qalypty ómir súrýge oralýyna qolaıly jaǵdaı jasaý. Qazir barlyq kúsh turǵyn úılerge tehnıkalyq zerdeleý men baǵalaý júrgizýge jumsalyp otyr. Daıyn qujattardyń alǵashqy legi qolymyzǵa tıe bastady», -dedi Serik Shápkenov.

Eske sala ketelik, buǵan deıin Qulsarydaǵy sý tasqynynan keıin apatty jaǵdaıda turǵan 756 úı anyqtalǵanyn jazǵan edik.

Sondaı-aq, Qulsaryda úıdi baǵalaý qorytyndysymen kelisken 6 otbasy ótemaqyǵa ótinish berdi.