Tasqyn sý Atyraý mańyndaǵy Sokolok kanalynyń bógetin buzyp ketti
ATYRAÝ. KAZINFORM – Tasqyn sý Atyraý qalasynyń mańyndaǵy Sokolok kanalynyń bógetin jaryp ketti.
Bul týraly áleýmettik jeli men TikTok, WhatsApp messendjerinde vıdeo júkteldi. Vıdeoda kanaldan sý aǵyp jatqany túsirilgen.
Atyraý oblysynyń jedel shtabynan málim etkendeı, búgin sýdyń kóptigi men qatty jeldiń saldarynan Sokolok kanaly boıyndaǵy bóget buzylǵan.
«Sokolok kanaly – Jaıyq ózeni arqyly Atyraý qalasyna qaraı aǵyp keletin mol sýdy retteýdiń negizgi tarmaǵy. Qalany tasqyn sýdan qorǵaý úshin kanal boıyndaǵy alǵashqy bógetke ekinshi qorǵanys nysany salynǵan. Ekinshi qorǵanys bógetiniń beriktigin qamtamasyz etý maqsatynda topyraq toltyrylǵan qappen nyǵaıtý jumysy júrgizildi. Bógettiń bıiktigi Baltyq júıesiniń deńgeıine sáıkes ulǵaıtyldy. Bul ýchaskede táýlik boıy kezekshilik uıymdastyrylyp otyr. Qazir kanaldaǵy buzylǵan bógetti qalpyna keltirý úshin qosymsha tehnıkalar jiberildi», - dep habarlady oblystyq jedel shtabtan.
Eske sala ketelik, budan buryn Jaıyq ózenindegi mol sý Sokolok kanalymen Kaspıı teńizine quıylatynyn jazǵan edik.
