Tasqyn men qýańshylyqtyń aldyn alatyn sý qoımalary salynady
ASTANA. KAZINFORM - Aldaǵy 3 jylda 42 jańa sý qoımasy salynady. Gıdro nysandar eki baǵytta paıdalanylady. Bul týryly sý resýrstary jáne ırrıgatsııa mınıstriniń birinshi orynbasary Bolat Beknııaz málim etti.
Shamadan tys qar nemese jańbyr sýy tekke jerge sińip ketpeı jınalady. Sosyn jazdygúni egis alqaptaryna aıdalady, ıaǵnı tasqynmen birge qýańshylyqtyń da aldyn alýǵa kómek.
Sondaı-aq qazir qoldanystaǵy 37 sý qoımasy qalpyna keltiriledi dep josparlanǵan.
– Biz jaqyn arada keshendi jospardy bekittik. Onyń ishinde 42 jańa sý qoıma salý. 37 sý qoımany rekonstrýktsııadan ótkizý. Sol sý qoımalar sý tasqynyna qarsy ádeıi paıdalanady. Ekinshiden aýyl sharýashylyǵy maqsatynda paıdalanylady, - dedi Sý resýrstary jáne ırrıgatsııa mınıstriniń birinshi orynbasary Bolat Beknııaz.
Aıtýynsha, qurylys jumystary 2028 jylǵa deıin aıaqtalýy tıis.
Buǵan deıin elimizdiń soltústik, batys, ortalyq jáne shyǵys óńirlerindegi sý qoımalary kóktemde tasqyn sýdy qabyldaýǵa daıyn bolý úshin jappaı sý jiberip jatqany habarlandy.