Tasqyn qursaýynda 5411 úı qalyp otyr
ASTANA. KAZINFORM – Elimizdiń 5 óńirinde 5411 jer úı sý astynda qalyp otyr. Bul týraly Tótenshe jaǵdaılar mınıstrligi Azamattyq qorǵanys jáne áskerı bólimder komıtetiniń aǵa ofıtseri Erasyl Saıpash ortalyq kommýnıkatsııalar qyzmetinde ótken brıfıngide aıtty.
«Osy saǵatta Aqtóbe, Qostanaı, Aqmola, Atyraý, Soltústik Qazaqstan oblystarynda 5 411 jeke turǵyn úı, 1 607 aýla aýmaǵy jáne 2 035 saıajaı úıleri sý astynda qalýda. 3 503 turǵyn úı men 2 157 aýla aýmaǵynan sý buryldy», - dedi TJM ofıtseri.
Sondaı-aq, ol tasqyn aýmaǵyndaǵy turǵyndarǵa ýaqytsha panalaý ortalyqtarynan ruqsatsyz ketýge bolmaıtynyn eskertti.
«Aqtóbe, Qostanaı, Batys Qazaqstan, Aqmola, Qaraǵandy, Atyraý, Soltústik Qazaqstan jáne Ulytaý oblystarynda jergilikti aýqymdaǵy 36 tótenshe jaǵdaı rejımi áreket etedi.
Tótenshe jaǵdaılar mınıstrligi azamattardy asa muqııat bolýǵa, sý tasqyny kezeńinde qaýipsizdik sharalaryn múltiksiz saqtaýǵa, úılerden jáne evakýatsııalaý pýnkterinen tıisti ruqsatsyz ketpeýge shaqyrady», - dedi Erasyl Saıpash.
