Tashkentten Atyraýǵa tikeleı áýe reısi ashylady

TAShKENT. KAZINFORM — Ózbekstandyq Uzbekistan Airways áýe kompanııasynyń ushaqtary 30 naýryzdan “Tashkent - Atyraý - Tashkent” baǵyty boıynsha reıs oryndaı bastaıdy, dep habarlaıdy Kazinform agenttiginiń menshikti tilshisi.

Kompanııadan málim etkendeı, atalǵan baǵytta aptasyna eki reıs josparlanǵan. ıAǵnı, ushaqtar dúısenbide - kúndiz, al juma kúni keshke jolaýshylar tasymaldaıdy.

Bılet quny 1,9 mln sýmnan (shamamen 81 myń teńge) bastalady. Olardy kompanııanyń resmı saıtynan, mobıldi qosymsha arqyly jáne arnaıy satý keńselerinen alýǵa bolady.

Eske salaıyq, buǵan deıin Atyraýǵa qatynaıtyn birqatar reıs 16 qańtarǵa aýystyrylǵan edi.

Sondaı-aq, byltyr jeltoqsanda “Tashkent – Oral” baǵytynda jańa áýe reısi ashyldy.

Buǵan qosa, 2025 jyldyń sońynda Túrkistannan Ózbekstannyń úsh qalasyna jańa áýe reısi ashyldy.