Tashkent kóshelerinde robot-polıtseıler kezekshilikte júr

TAShKENT. KAZINFORM – Qoǵamdyq tártipti baqylaıtyn robottar Tashkent kóshelerine kezekshilikke shyqty, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Ózbekstannyń Jol qozǵalysy qaýipsizdigi qyzmetinen málim etkendeı, robot profılaktıka ınspektorynyń kómekshisi qyzmetin atqarady.

Onyń mindeti — qala men aýyldyq jerlerde quqyq buzýdyń aldyn alý.

Inspektordyń tórt dóńgelekti kómekshisi 180 jáne 360 gradýs aýmaqty qamtıtyn sapaly kamera, arnaıy sham, GPS, aýdıo, vıdeo jazba fýnktsııasymen jabdyqtalǵan.

Robot barlyq quqyq buzýshylyqtardy anyqtaýǵa qaýqarly.

Tipti qoqysty belgilenbegen jerge tastaý faktilerin de tirkeıdi. 

Keıin derekter onlaın rejımde profılaktıka jónindegi ınspektordyń planshetine túsedi.