Tartyl fest: Týrnıkke tartylý festıvali búgin Shymkentte ótedi

ShYMKENT. QazAqparat - Shymkent qalasynda búgin saǵat 13:00-de «Tartyl fest» týrnıkke tartylý festıvali ótedi. Sharany dene shynyqtyrý jáne sport basqarmasy jáne «Dara» daryndylardy qoldaý qory uıymdastyryp otyr, dep habarlaıdy QazAqparat tilshisi.

Jastardy sportqa baýlý jáne salaýatty ómir saltyn saqtaýǵa shaqyrý maqsatynda uıymdastyrylatyn sharaǵa daıyndyq qyzý júrgizilýde. Úshinshi megapolıstiń «Muz saraıy» sport kesheninde ótetin festıvalge qatysýǵa 1700-ge tarta turǵyn ótinish bildirgen.

Aıta keteıik, buǵan deıin «Tartyl Fest» týrnıkte tartylýdan respýblıkalyq sport festıvali Qonaev qalasynda bastalǵan bolatyn. Sondaı-aq, Taldyqorǵan, Almaty, Taraz qalalarynda jalǵasyn tapty. 10 shilde - 8 qyrkúıek aralyǵynda ótetin shara elimizdiń 20 qalasynda uıymdastyrylyp, ár qaladan 27 jeńimpaz anyqtalady. Olar Nur-Sultan qalasynda ótetin grand-fınalǵa qatysady dep kútilýde. Grand-fınaldyń júlde qory - 54 mln teńge. Al, Grand-fınal chempıondary Street Workout boıynsha álem chempıonatyna qatysa alady.

Foto: instagram.com/daraqory