Tartyl Fest: Óskemende festıvalge 250-ge jýyq adam qatysýǵa nıet tanytty

ÓSKEMEN. QazAqparat – Óskemende Tartyl Fest respýblıkalyq týrnıkke tartylý festıvalinde 250-ge jýyq úmitker tirkeldi, dep habarlaıdy QazAqparat tilshisi.

Dál qazir Tartyl Fest respýblıkalyq týrnıkke tartylý festıvali Óskemende ótip jatyr. Qala boıynsha 250-ge jýyq adam qatysýǵa nıet tanytqan. Ázirge el boıynsha rekordty Qaraǵandy qalasynda 50 ret tartylǵan Evgenıı Nam ornatty. Óskemendikter bul rekordty jańartýǵa tyrysýda.

- Qol kúrespen aınalysyp júrgenime 3 jyldan asty. Osy festıval úshin arnaıy Glýbokoe aýdanynan keldim. Qazir sálden soń baǵymdy synap kóremin, - deıdi Qýanyshbek Kıarystanov.

Sharany QR Prezıdenti janyndaǵy «Dara» daryndylardy qoldaý qory uıymdastyryp otyr. Óskemennen keıin festıval Semeıde jalǵasyp, odan soń elordada Grand fınal ótedi.

- Týrnıkke tartylyp júrgenime 5 jyldaı boldy. Synyptastarymmen birge baǵymyzdy synap kórýge bel býdyq. Shamamyz kelgenshe tartylamyz, - deıdi qaladaǵy qazaq-túrik lıtseıiniń oqýshysy Joldybek Bernar.

Óskemendikter bar kúsh-jigerin salyp, namysqa tyrysyp tartylyp jatyr. Búgin 27 jeńimpaz anyqtalyp, árqaısysyna qarjylaı syıaqy beriledi.