Tartyl Fest – grand-fınal jeńimpazdary Fınlıandııaǵa álem chempıonatyna barady
Buǵan deıin habarlanǵandaı, búgin týrnırdiń sońǵy kezeńi Nur-Sultanda ótti. Jarysqa qatysý úshin 650-ge jýyq astanalyq tirkelgen.
Aıtym Jaqypovtyń aıtýynsha, Qazaqstanda kóshe sporty - street workout óte jaqsy deńgeıde damyǵan.
«Qazaqstan - street workout baǵytyn damytý boıynsha ozyq el dep batyl ári ashyq aıta alamyn. Qazaqstan street workout baǵytyn memlekettik deńgeıde qoldaıtyn jalǵyz el», - dedi Aıtym Jaqypov festıval aıasynda jýrnalısterge.
Joba ambassadory jastar men Street workout Kazakhstan qozǵalysynyń atynan Prezıdentke jastardyń damýyna qosqan úlesi men qoldaýy úshin alǵys bildirdi.
«Jastar – elimizdiń jáne álemniń bolashaǵy. Biz komandamen 20 qalany araladyq, 18 myń shaqyrymnan astam jol júrdik, 12 myńnan astam qatysýshyny tirkedik. Grand-fınal jeńimpazdary Fınlıandııada ótetin álem chempıonatyna qatysa alady. Sportshy retinde men úshin búgingi tańda bul sportqa úlken serpin men qoldaý bar ekendigi óte mańyzdy. Kelesi jyly qatysýshylardyń sany, festıval nátıjeleri múldem basqasha bolady dep oılaımyn. Sebebi balalar tolyq daıyndalatyn bolady», - dedi Aıtym Jaqypov.
Spıkerdiń aıtýynsha, grand-fınal qazan aıynda Nur-Sultan qalasynda ótedi. Fınal kúni keıinirek jarııalanady.
Birinshi oryn úshin 200 myń teńge aqshalaı syılyq beriledi, ekinshi oryn úshin – 100 myń teńge; úshinshi oryn úshin – 50 myń teńge.
Festıval 10 shilde men 6 qyrkúıek aralyǵynda elimizdiń 20 qalasynda uıymdastyryldy, ár qalada 27 jeńimpaz anyqtaldy.
Týrnıkke tartylý festıvali 10 shildede Qonaev qalasynda bastalǵan edi.
Keıin Túrkistanda, Taldyqorǵan, Almaty, Taraz, Shymkent, Aqtaý, Qyzylorda, Atyraý, Oral, Aqtóbe , Qostanaı, Petropavl, Kókshetaý, Jezqazǵan, Qaraǵandy, Óskemen, Semeı qalalarynda jalǵasyn tapty.
Shymkenttik Azamat Sapar týrnıkte 41 ret tartylyp, rekord ornatty. Buǵan deıin týrnıkke tartylý boıynsha rekord jasaǵan almatylyqtardy (40) basa ozyp, myqtylyǵyn dáleldedi. Al, 13 ret tartylǵan jeti jasar Mádıhan Qajymuqan uıymdastyrýshylardyń arnaıy syılyǵyna ıe boldy.
Odan keıin Aqtaý qalasynda 32 jastaǵy qatysýshy Damır Nábıev beltemirge 44 ret tartylyp, jańa rekord ornatty.
Bul rekordty 51 jastaǵy qostanaılyq Andreı Antonıan jańartty, ol týrnıkke 45 ret tartyldy.
Qaraǵandyda ótken týrnırde tarazdyq Evgenıı Nam esimdi qatysýshy týrnıkke 50 ret tartyldy. Nur-Sultanda rekord jańartylmady. Osylaısha, Tartyl Fest rekordy Taraz qalasyna tıesili.
