Tartyl fest: Atyraýlyq qatysýshylar arasynda Azııa chempıonatynyń kúmis júldegeri bar
Festıvaldi Prezıdent janyndaǵy «Dara» daryndylardy qoldaý qory uıymdastyryp otyr. Atyraýdaǵy festıval Sultan Beıbarys alańynda ótedi. Jarysqa qatysýshylardy tirkeý saǵat 9:00-den beri jalǵasyp jatyr. Jarys jergilikti ýaqytpen saǵat 17:00-de bastalady.
Festıvaldiń ambassodory – Street workout qozǵalysynyń negizin qalaýshylardyń biri biri – Aıtym Jakýpov. Atyraý turǵyndary festıval qonaǵy – ánshi Mıras Júginisovtiń ónerin tamashalaıdy. Onyń kontserti keshki saǵat 22:00-de bastalatyny josparlanyp otyr.
«Bul festıval buqaralyq sportty damytý jáne jastardy salaýatty ómirge baýlý maqsatyn kózdeıdi. Sol sebepten, oǵan qatysýshylardyń jynysyna da, jasyna shekteý qoıylmaıdy. Qatysýǵa nıet bildirgenderdiń bárin tirkeýge múmkindik jasalyp otyr», -deıdi festıvaldi uıymdastyrýshylar.
«Tartyl fest» týrnıkke tartylý festıvaline qatysýǵa tilek bildirgenderdiń arasynda zeınetker de, Azııa chempıonatynyń kúmis júldegeri atanǵan boıjetken de, tipti, 6-7 jastaǵy balalar da bar.
Qatysýshylardyń eń úlkenin Baqtyǵalı Qarakózov bastap túr. Zeınetkerdiń jasy – 64-te.
Al, qyzdar arasynan 17 jasar Dana Abdırova alǵashqy bolyp tirkelgen. Onyń esimi tek atyraýlyqtarǵa ǵana emes, Azııa qurlyǵyna da tanymal.
Ol bala kúninen dzıýdo sportymen aınalysady. Bıylǵy sáýirde dzıýdoshy Dana Abdırova Tashkent qalasynda ótken Azııa Kýboginiń ıegeri atanǵan bolatyn.
Al, jaqynda Taıland eliniń astanasy – Bangkok qalasynda jalaýy jelbiregen Azııa chempıonatynda 57 keli salmaqta synǵa tústi. Bul dodanyń fınalynda Úndistan Respýblıkasynyń balýany Lıntoı Chanambamnan utylyp, Azııa chempıonatynyń kúmis júldegeri atandy.
«Tartyl fest» festıvalinde 9 salmaq sanaty boıynsha 27 jeńimpaz anyqtalady. Qatysýshylar myna kategorııada baq synaıdy. 18 jasqa deıin (jasóspirimder): 1) salmaq – 55 kg deıin; 2) salmaq – 55 kg bastap 70 kg deıin; 3) salmaq – 70 kg bastap joǵary qaraı 18 jastan 30 jasqa deıin (jastar): 4) salmaq – 65 kg deıin; 5) salmaq – 65 kg bastap 80 kg deıin; 6) salmaq – 80 kg bastap joǵary qaraı; 30 jastan joǵary qaraı (úlkender): 7) salmaq– 80 kg bastap; 8) salmaq – 80 kg bastap 90 kg deıin; 9) salmaq – 90 kg joǵary.
Ár qaladaǵy festıvaldyń júlde qory mynadaı: 1 oryn – 200 myń teńge, 2 oryn – 100 myń teńge, 3 oryn – 50 myń teńge. Grand fınalǵa qomaqty júlde qory belgilengen. 1 oryn – 3 mln teńge, 2 oryn – 2 mln teńge, 3 oryn – 1 mln teńge. Grand fınal Nur-Sultan qalasynda 8 qyrkúıek kúni ótedi.
Eske sala keteıik, buǵan deıin «Tartyl Fest» týrnıkke tartylý boıynsha respýblıkalyq sport festıvali Qonaev qalasynda bastalǵan edi.
Budan soń atalǵan festıval Taldyqorǵan, Almaty, Taraz, Shymkent, Túrkistan, Qyzylorda qalalarynda ótti. Shymkenttegi jarysta Azamat Sapar týrnıkke 41 ret tartylyp, rekordtyq kórsetkishti jańartty. Al, Qyzylordadaǵy saıysta 75 jastaǵy Aleksandr Kım men 6 jasar balaqaı Jandáýlet Baǵdatuly beltemirge 15 márte tartyldy .
Qonaev qalasynda 10 shildede bastalǵan festıval 6 qyrkúıekke deıin ótedi. Eelimizdiń 20 qalasynyń árqaısysynan 27 jeńimpaz anyqtalady. Olar Nur-Sultan qalasynda ótetin grand-fınalǵa qatysady. Grand fınaldyń júlde qory – 54 mln teńge. Al, grand-fınal chempıondary Street Workout boıynsha álem chempıonatyna qatysa alady.
Eske sala ketelik, budan buryn búgin Atyraýda «Tartyl fest» týrnıkke tartylý festıvali jalǵasatynyn jazǵan edik.
