Tartyl Fest: Almatyda týrnıkte tartylý boıynsha úshinshi respýblıkalyq sport festıvali aıaqtaldy
Qazirgi ýaqytta festıvalge qatysqan adam sany (623 qatysýshy) jáne týrnıkke tartylý boıynsha (40 ret) Almaty qalasy kósh bastap tur. Buǵan deıin týrnıkke tartylý boıynsha rekord Konaev qalasynda jasalǵan edi (37 ret).
Jarystyń ashylý saltanatynda Almaty qalasy ákiminiń orynbasary Arman Qyryqbaev, Almaty qalasy sport basqarmasynyń basshysy Erden Haırýllın, «Dara» talanttardy qoldaý qorynyń basshysy Nurlan Qoıanbaev, joba ambassadory, qoǵam qaıratkeri, jattyqtyrýshy ári akter Aıtym Jaqypov sóz sóıledi.
Festıvalge qatysýshy barlyq 20 qala úshin ereje birdeı – durys jáne eń kóp tartylý. Almatydaǵy jarys óte tartysty ári qyzyqty ótti.
Birinshi oryn jáne 200 000 teńgeniń ıegerleri:
1. 18 jasqa deıin:
Tohtı Kýrbanov – 27 ret, Mýnashbaı Meırjan – 40 ret, Alan Abzalhanuly – 30 ret.
2. 18-30 jas aralyǵy:
Medet Kúzembaev – 40 ret, Qalman Dáýlet – 34 ret, Abylaı Seıilhanov – 27 ret.
3. 30 jastan joǵary:
Rýslan Ahmetov – 33 ret, Aqbar Jarmaǵanbetov – 27 ret, Erjan Narmashev – 27 ret.
Ekinshi oryn jáne 100 000 teńge alǵandar:
1. 18 jasqa deıin:
Rýslan Martaev – 26 ret, Sergeı Teplıakov– 31 ret, ıÝsýp Seıitov.
2. 18-30 jas aralyǵy:
Sýmagýl Mýhııadın– 35 ret, Qaıyrjan Islamhanov – 31 ret, Alıasqar Jumadil – 25 ret.
3. 30 jastan joǵary:
Jasulan Temirbaev – 27 ret, Qaırat Tóreshov– 26 ret, Vadım Nosıkov – 20 ret.
Úshinshi oryn jáne 50 000 teńge alǵandar:
1. 18 jasqa deıin:
Tursynbaı Álıakbar – 21 ret, Temir Balǵabaev – 30 ret, Dinmuhammed Baıtemirov – 19 ret.
2. 18-30 jas aralyǵy:
Rýslan Shýlen – 33 ret, Renat Bakırov – 17 ret, Ǵalym Muqanov.
3. 30 jastan joǵary:
Aıdyn Dúısebaev – 26 ret, Murat Ýshýrov – 25 ret, Abdýsamat Shafarov – 23 ret.
Bul joly Tartyl Fest-te ár túrli qatysýshylar, atap aıtqanda, kishkentaı sportshylar, aǵa býyn ókilderi, múgedektigi bar adamdar, tanymal qazaqstandyq blogerler óz kúshteri men shydamdylyqtaryn synady.
Almaty ákimdigi para júzýden Qazaqstan chempıony 60 jastaǵy Chaker Smaǵulovty «Jeńiske degen jigeri úshin» arnaıy nagradamen marapattady.
QR Prezıdentiniń is basqarýshysy Aıbek Dadebaevtyń nagradalaryna 23 jastaǵy motıvator qatysýshy Ádiljan Daýletov pen 10 jastaǵy Veronıka Soklakova ıe boldy.
Ol qyz 21 ret tartyldy.
Sondaı – aq, jekeleı marapattarǵa eń jas qatysýshy, 5 jasar Raýan Janaqbaı (7 ret tartyldy) men jastarǵa úlgi bolatyn, 69 jastaǵy Roman Baltabaev ıe boldy.
Sport festıvalin tanymal bloger – NNN (Nurdáýlet) qoldady. Ol tipti týrnıkte tartylý boıynsha Nurlan Qoıanbaevpen jarysty. Festıvaldiń arnaıy qonaǵy Mıras Júginisov án aıtyp, kórermender men jarysqa qatysýshylarǵa jaqsy kóńil-kúı syılady.
Sport festıvaline qatysýshylar birinshi oryn úshin 200 myń teńge; ekinshi oryn úshin – 100 myń teńge; úshinshi oryn úshin – 50 myń teńge aqshalaı syılyq aldy. Jarys resmı tóreshiler alqasynyń qatysýymen ótti.
Festıval 10 shilde - 6 qyrkúıek aralyǵynda elimizdiń 20 qalasynda ótedi. Oǵan qazaqstandyqtar qatysyp, aqshalaı júldelerdi utyp ala alady.
Ár qalada 27 jeńimpaz irikteledi.
Ár qalanyń jeńimpazdary (9 sanatta) Nur-sultan qalasynda ótetin grand-fınalǵa qatysady. Grand-fınaldyń júlde qory-54 mln teńge. Grand-fınal chempıondary Street Workout boıynsha álem chempıonatyna qatysa alady.
Aıta keteıik, Street Workout-kóshedegi sport alańdarynda túrli jattyǵýlardy oryndaýdy qamtıtyn áýesqoı sport túri.
Eske salsaq, buǵan deıin Qonaev qalasynda elimizde alǵash ret Tartyl Fest respýblıkalyq sport festıvali bastalǵan bolatyn.
Sondaı-aq, 14 shilde kúni Taldyqorǵan qalasynda týrnıkke tartylýdan jarys jeńimpazdary anyqtalǵan edi.
