Tarıfter birtindep ózgeredi - Almaty áýejaıynyń prezıdenti

ALMATY. KAZINFORM – Almaty halyqaralyq áýejaıyn basqarýshy TAV Airports kompanııasy áýe aılaǵyn 2050 jylǵa deıin damytýdyń bas josparyn tanystyrdy.

Іs-shara barysynda BAQ ókilderiniń suraǵyna jaýap bergen Almaty halyqaralyq áýejaıynyń prezıdenti Goker Kose tarıfterge qatysty pikir bildirdi.

- Bizdiń áýejaıdyń tarıfteri tómen. Salystyrmaly túrde aımaqtyq jáne jahandyq standarttar boıynsha da tómen bolyp tur. Áýejaıdy basqarýshy kompanııalar úshin bul qıyndyq týdyrady. Sondyqtan ýaqyt óte kele, Qazaqstan úkimetimen aqyldasa otyryp, tarıfteri kótere bastaımyz. Dál qazir qansha kóteriletinin aıta almaımyz, biraq kóteriletini anyq, - dedi ol.

Eske salaıyq, 1 tamyzdan bastap elimizde elektr energııasy tarıfi ózgerdi.