Tarazda stýdentterdi adaldyqqa tárbıeleıtin dúken ashyldy

TARAZ. QazAqparat -Jastar jylyna oraı Taraz qalasyndaǵy Medıtsınalyq kolledjde «Integrity Shop» satýshysyz dúken ashyldy, dep habarlaıdy QazAqparat tilshisi.

Erekshe dúken «Jambyl - adaldyq alańy» jobasy aıasynda qolǵa alynǵan. Jobanyń tujyrymdamasynda stýdent ózine qajetti somaǵa taýar alady. Kassalyq apparattyń orny arnaıy qorappen almastyrylǵan. Alǵan zattardyń aqshasyn sol qorapqa salý qajet. Atalǵan mehanızm skandınavııa elderinde birneshe jyldar boıy sátti júzege asyrylýda. Dúkenniń ashylýyna qatysqan QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Jambyl oblysy boıynsha departamentiniń basshysy Ravıl Tıýlebaevv jobanyń mańyzdylyǵyn atap ótti.

«Qazaqstan Prezıdenti 2019 jyldy Jastar jyly dep jarııalap, jastardyń boıynda ádildik jáne adaldyq qundylyqtaryn tárbıeleý qajettigin atap ótti. Osyndaı mehanızmderdi engizý - jastarda ońtaıly moraldyq qasıetterdi nyǵaıtýǵa, sonymen qatar ishki parasattylyqqa jáne adaldyqqa tárbıeleýge múmkindik beredi», - dedi departament basshysy.

Sonymen qatar, atalmysh Medıtsınalyq kolledjde Jastar jyly sheńberinde Co-working ortalyǵy jáne jattyǵý zaly ashyldy.