Tarazda sheteldik kólikti rásimdeımin dep aqsha alǵan alaıaq ustaldy

TARAZ. QazaqAqparat - Taraz qalasynyń polıtsııa basqarmasyna oblys ortalyǵynyń turǵyny belgisiz er adamnyń sheteldik nómiri bar avtokóligin QR esebine tirkeýge qoıýǵa ýáde etip, 137 myń teńge kólemindegi aqshasyn ıemdenip ketkeni týraly shaǵymmen júginedi, dep habarlaıdy QazAqparat tilshisi.

Jedel-izdestirý is-sharalaryn júrgizý barysynda polıtsııa qyzmetkerleri 34 jastaǵy jergilikti turǵyndy anyqtady. Er adam kinásin moıyndady.

Oblystyq polıtsııa departamenti baspasóz qyzmetiniń habarlaýynsha, atalmysh derekke qatysty QR Qylmystyq Kodeksiniń 190-babynyń 1-bóligi boıynsha sotqa deıingi tergeý amaldary júrgizilýde. Osy baptyń sanktsııasy 1000 aılyq eseptik kórsetkishke deıingi mólsherde aıyppul salýdy, ne sol mólsherde túzeý jumystary nemese alty júz saǵatqa deıingi merzimge qoǵamdyq jumystarǵa tartýdy nemese eki jylǵa deıingi merzimge bas bostandyǵyn shekteýdi, ne múlki tárkilenip, sol merzimge bas bostandyǵynan aıyrý túrindegi jazany kózdeıdi.

Osy oraıda, Jambyl oblysynyń polıtsııa departamenti alaıaqtardyń qurbany bolyp qalmas úshin qoldanystaǵy zań talaptaryn aınalyp ótý joldaryn izdemeı, ony buljytpaı oryndaý kerektigin eskertedi. Barlyq qyzmetterdi memlekettik organdardan alý qajet. Zańdy rásimderdi aınalyp ótýge tyrysý eki tarap úshin de qylmystyq jaýapkershilikke ákelýi múmkin.

Buǵan deıin Qospaev bastaǵan qylmystyq topty shekaradan ótkizip jibergen Mashanlo 2,5 jylǵa sottalǵanyn habarlaǵan bolatynbyz.