Tarazda saýda ortalyǵynan adamdar evakýatsııalanyp jatyr
ASTANA. KAZINFORM - Ǵımarattaǵy saýda dúkenderiniń ıeleri men ortalyqqa kelýshiler syrtqa shyǵarylyp, evakýatsııa júrgizilip jatyr.
15 aqpanda «102» pýltine saýda ortalyǵyna jarylǵysh zat qoıylǵany týraly habarlama kelip túsken.
Jambyl oblysy Polıtsııa departamentiniń, UQK jáne TJD qyzmetkerleri, sondaı-aq arnaıy jedel áreket etý jasaǵynyń, jedel-tergeý tobynyń jáne kınologtardyń qatysýymen ortalyq ǵımaratyna jedel tekserý júrgizilip jatyr.
- Ǵımarattaǵy saýda dúkenderiniń ıeleri men ortalyqqa kelýshiler syrtqa shyǵarylyp, evakýatsııalaý jumysy júrip jatyr, - delingen Jambyl oblysy PD habarlamasynda.
Jambyl oblysy Polıtsııa departamenti turǵyndardan mán-jaı anyqtalǵansha ózge aqparattarǵa senbeýge, sabyr saqtaýǵa shaqyrady.
Sondaı-aq, terrorızm aktisi týraly kórineý jalǵan aqparat úshin QK-niń 273-babymen qylmystyq jaýapkershilik qarastyrylǵanyn eske salady.
Eske salsaq Pavlodarda jeti mekteptiń oqýshylary jarylǵysh zat qoıylǵany týraly habarlamalarǵa baılanysty shuǵyl evakýatsııalanǵan edi.