Tarazda «Rýhanı jańǵyrý» ınteraktıvti kabınetteri ashyldy
Strategııalyq baǵdarlamadaǵy mindetterdi júzege asyrý maqsatynda ashylyp otyrǵan shyǵarmashylyq kabınetterdiń ashylý saltanatynda jınalǵan jurtshylyqty Jambyl oblysynyń ákimi Kárim Kókirekbaev quttyqtady. Tusaýkeser rásimine ǵylymı jáne zııaly qaýym ókilderi, oblystyq basqarmalardyń basshylary, Taraz qalasy men aýdan ákimderi keldi. Sharany oblys ákimdiginiń ishki saıasat basqarmasy uıymdastyrdy.
Jobalyq keńse kez kelgen adamǵa «Rýhanı jańǵyrý» baǵdarlamasymen tanysyp, oǵan qatysýǵa múmkindik ashady. Dostyq úıiniń ekinshi qabatyndaǵy búkil foıe «Tárbıe jáne bilim», «Rýhanı qazyna», «Atameken» jáne «Aqparat tolqyny» baǵdarlamalarynyń júzege asyrylýy men jetistigin tanystyratyn aqparattyq alańǵa aınalǵan.
Jambyl oblysynyń ishki saıasat basqarmasynyń málimetinshe, «Tərbıe jəne bilim» atty ınteraktıvti aýmaqtyń tsıfrlyq kitaphanasynda «100 kitaptyń» bárin taýyp alyp, qazaq tilinde oqýǵa bolady. Munda sonymen qatar, latyn qarpindegi qazaq álipbıiniń nusqasyn kezdestire alasyz. Kompıýterlik bilimin jetildirgisi keletin kez kelgen adam ICILS (International Computer and Information Literacy Study) jobalarymen tanysa alady.
Interaktıvti vırtýaldy mýzeıge kelgen adamdardy «Rýhanı Qazyna» kútip alady. Munda Qazaqstannyń qasıetti oryndarynyń vırtýaldy kartasy, kıeli oryndary men tabıǵaty týraly shaǵyn fılm, óńir mádenıeti jaıly aqparattyq anyqtama (murajaı, teatr, kitaphana, kontserttik uıymdar) bar. Sonymen qatar, onda jádigerler men ekspozıtsııalardyń vırtýaldy nusqasyn kórýge bolady. Uıymdastyrýshylardyń aıtýyna qaraǵanda, bul jádigerlerdiń dástúrli ekspozıtsııasy emes, tarıh qoınaýyn múlde bólek qyrynan kórsetetin baǵyt. 
«Atameken» ınterektıvti aýmaǵynda vıdeo taqta men áleýmettik jobalar boıynsha málimet berý úshin aqparattyq dúken ornalastyrylǵan. Onda Úkimettik emes uıymdardyń ókilderi, eriktiler, metsenattar, bıznes-birlestikter men memlekettik organdardyń ókilderi bas qosyp, mańyzdy máselelerdi talqylaýǵa múmkindik ala alady.
Aqparattyq-taldaý ortalyǵynda «Aqparat tolqyny» ınterektıvti aýmaǵyn tamashalaýǵa bolady.
