Tarazda óndiristik tseh órtendi

TARAZ. KAZINFORM – 25 shilde kúni Taraz qalasyndaǵy Sypataı batyr kóshesinde ornalasqan tokarlyq tsehta órt shyqty. Bul týraly QR Tótenshe jaǵdaılar mınıstrligi habarlady.

Órt týraly habarlama 112 pýltine túskennen keıin oqıǵa ornyna TJM bólimsheleri dereý jetken.

- Qutqarýshylardyń jedel jáne úılesimdi áreketteriniń arqasynda órt jaqyn mańdaǵy ǵımarattarǵa taralmaı, qysqa merzimde sóndirildi, - delingen aqparatta.

Zardap shekkender joq.

Órttiń shyǵý sebebi anyqtalýda.

Buǵan deıin Almatydaǵy saýda ortalyǵynda órt shyqqanyn jazdyq.