Tarazda kópbalaly analarǵa tegin maskalar taratylady

TARAZ. QazAqparat – Tarazda kópbalaly analar men az qamtylǵan otbasylarǵa tegin medıtsınalyq maskalar taratylmaq, - dep habarlaıdy QazAqparat.

Taraz qalasy ákimdiginiń bastamasymen koronovırýs indetiniń aldyn alý maqsatynda 4 myńǵa jýyq medıtsınalyq betperde daıyndalýda. Ol maskalar birneshe ret qoldanýǵa jaramdy. Betperdelerdi qaladaǵy tigin sheberhanalardyń ıeleri men tiginshi qyz-kelinshekter aqysyz túrde daıyndap jatyr.

«Tarazdaǵy tigin sheberhanalarynda tigilip jatqan medıtsınalyq betperdeler kópbalaly, jaǵdaıy tómen otbasylarǵa taratylatyn bolady. Bul bastamany Jýaly aýdanynyń qyz-kelinshekteri de qoldap, ózderi de arnaıy maska tigýde», - deıdi Taraz qalasy ákimdiginiń ishki saıasat bóliminiń basshysy Ulana Slambekova.