Tarazda birneshe ret alaıaqtyq jasaǵan sheteldik azamat elden shyǵaryldy

TARAZ. KAZINFORM — Jergilikti polıtseıler buryn sotty bolǵan sheteldik azamatty elden shyǵarý týraly ótinish túsirdi. Bul týraly Taraz qalalyq sotynyń baspasóz qyzmeti habarlady.

Ázirbaıjan Respýblıkasynyń azamaty eki jyldan astam ýaqyt buryn Jambyl oblysynda birqatar alaıaqtyq áreketterge barǵan. 2023 jyly Taraz qalalyq № 2 soty ony qylmysy úshin kináli dep tapty.

Taıaýda qalalyq polıtsııa basqarmasy ekinshi ret sotqa shaǵym túsirdi. Sheteldikti Qazaqstannan shyǵaryp jiberý týraly azamattyq is qaraldy. Polıtseılerdiń aıtýynsha, er adam qoǵamdyq tártipke qaýip tóndirýi múmkin. 

Sottalýshynyń ózi eshqandaı qarsylyq bildirgen joq. Ol Qazaqstanda otbasy men týystarynyń joqtyǵyn, sondyqtan ótinishtiń qanaǵattandyrylýyna qarsy emes ekenin aıtty.

Sot QR Sheteldikterdiń quqyqtyq jaǵdaıy týraly zańyna sáıkes, talapty qanaǵattandyryp, er adamdy bes kún ishinde Qazaqstannan ketýge mindettedi.

Osyǵan deıin Jambyl oblysynda ınternet alaıaqtyq eki esege óskeni týraly jarııaladyq.