Tarazda arnaıy is-shara barysynda ınternet alaıaqtyqtyń 8 deregi anyqtaldy

TARAZ. QazAqparat – Tarazda 15 alaıaqtyq iske qatysy bar turǵyn qolǵa tústi,- dep habarlaıdy QazAqparat tilshisi.

Aqparattyq tehnologııalardy, onyń ishinde ınternet arqyly jasalatyn quqyq buzýshylyqtarǵa qarsy kúres sharalarynyń tıimdiligin arttyrýǵa baǵyttalǵan «Hi-tech» jedel-aldyn alý is-sharasynyń birinshi kúni Jambyl oblysynyń polıtseıleri ınternet-alaıaqtyqtyń segiz túrli deregin anyqtady.

«Taraz qalasynyń 25 jastaǵy turǵyny «Instagram» áleýmettik jelisinde altyn buıymdardy satamyn degen jeleýmen azamattardyń senimine kirip, olardy aldaý jolymen aqshasyn ıemdenip ketip otyrǵan. Qazirgi ýaqytta mıllıon teńgeden astam somaǵa jasalynǵan alaıaqtyqtyń 15 deregi tirkeldi»,-delingen oblystyq polıtsııa departamenti baspasóz qyzmetiniń habarlamasynda.

Barlyq derekterge qatysty QR QK 190-baby (Alaıaqtyq) boıynsha sotqa deıingi tergeý amaldary bastaldy.