Tarazda áleýmettik kásipkerlik boıynsha halyqaralyq forým ótti
Forýmǵa onlaın rejiminde AQSh, Reseı, Indııa, Izraıl jəne TMD elderiniń ókilderimen qatar óńir kəsipkerleri qatysty.
Atalǵan keshenniń kórme zalyna túrli baǵdarlamalar men jobalarǵa qatysyp, óz jeke kásibin ashqan kəsipkerlerdiń óndirgen ónimi men qolynan shyqqan dúnıeleri kórmege qoıylypty. Forýmnyń ashylýy aldynda oblys ákimi Berdibek Saparbaev óńirimizde áleýmettik kásipkerlikti damytýǵa úles qosyp otyrǵan kópbalaly analar men múmkindigi shekteýli azamattardyń kórmege qoıylǵan kondıterlik, sút, qolóner men jıhaz, aıaq kıim, qýyrshaqtar men qyz jasaýlary buıymdarymen tanysty.
Ásirese, ónertapqysh, ekinshi toptaǵy múmkindigi shekteýli azamat Raýan Raýylbekovtyń óz betinshe júrip-turý múmkindiginen aıyrylǵan azamattarǵa arnalǵan «Metron» mehanıkalyq qozǵaltqyshy qonaqtardy tań-tamasha qaldyrdy. Raýan bul quraldy jasap shyǵý úshin 3 mıllıon teńge nesıe alyp, jumysyn bastap ketipti. Qazir onyń tirek-qımyl júıesi buzylǵan azamattarǵa jasap jatqan mundaı apparaty 200 myń teńgeden ótkerilýde. Ol múmkindiginiń shekteýli ekenine qaramastan tórt adamdy jumyspen qamtyp, budan bólek tapsyryspen basqa da buıymdar jasap jatqanyn jetkizdi.
Budan bólek, túrli jıhazdar men kádesyılar, qýyrshaqtar, bylǵary aıaq kıimder men qyz jasaýyn tigip, ony kásip kózine aınaldyrǵan áleýmettik toptaǵy kásipkerlerdiń barlyǵynyń jumysymen jeke tanysyp shyqqan oblys ákimi olardyń árbiriniń bastaǵan jumysyna sáttilik tiledi.
Halyqaralyq forýmdy oblys əkimi Berdibek Saparbaev ashyp berdi.
- Búgingi forýmǵa Reseıden, Túrkııadan, TMD elderinen qonaqtar kelip, qatysyp otyr. Bul forýmdy ótkizýdegi basty maqsatymyz óńirimizdegi áleýmettik kəsipkerlikti damytý. Memleket tarapynan múmkindigi shekteýli azamattardyń óz kəsibin ashyp, qoǵamǵa tartylýyna járdemdesý. Olardyń məselesin forýmda talqylap, shet eldik áriptesterimizdiń tájirıbesine súıene otyryp birlese sheshýge tyrysamyz. Sóıtip ózge memleketterdiń ozyq təjirbıelerin óńirimizde qoldanýǵa jol ashatyn bolamyz, - dedi aımaq basshysy.
Kelesi kezekte onlaın rejımde qosylǵan Qazaqstan Respýblıkasynyń Eńbek jəne halyqty əleýmettik qorǵaý mınıstri Serik Shapkenov halyqaralyq forýmnyń mańyzdylyǵyna toqtaldy.
- Bul forýmnyń basty maqsaty – áleýmettik topqa jatatyn jáne múmkindigi shekteýli azamattardyń məselesin sheshý. Olardy qoǵamdyq ortaǵa, kəsipke bet burýǵa tarta otyryp, qoǵamnan ne alamyn dep emes, qoǵamǵa men ne bere alamyn degen qaǵıdamen olardyń ómirge degen qulshynysyn arttyrý. Osy forýmnan keıin bizdiń ortamyzda ózin kórsete almaı otyrǵan múmkindigi shekteýli azamattar əleýmettik kəsipkerlikti damytý jobasy aıasynda ózin kórsetýge, kəsibin ashýǵa múmkindik alady degen senimdemin, - dedi mınıstr.
Odan ári halyqaralyq forýmdy áleýmettik kásipker-moderator Emın Askerov júrgizip otyrdy. Forýmda Eýropalyq qaıta qurý jáne damý bankiniń shaǵyn jáne orta bıznesti qarjylandyrý jáne damytý tobynyń joba mamany Murat Narqulov, «Jambyl oblysynyń kommertsııalyq emes uıymdarynyń qaýymdastyǵy» ZTB tóraǵasy Aınur Zaýrbekova atqaryp jatqan óz jumystarymen tanystyrdy. Al AQSh-tyń Qazaqstandaǵy Bas konsýldyǵynyń mádenı keńesshisi Anand Krıshna bolsa, áleýmettik kásipkerlikti elimizdiń Nur-Sultan, Almaty men Taldyqorǵan qalalarynda damytý úshin ondaǵy kásipkerlerge qandaı kómek kórsetip jatqandyǵyn sóz etti.
Bangladeshtik ekonomıka ǵylymynyń professory, áleýmettik kásipkerlik salasyndaǵy Nobel syılyǵynyń laýreaty Mohamed ıÝnýs, áleýmettik ınvestıtsııalar jáne kásipkerlik salasyndaǵy jetekshi reseılik sarapshy Sergeı Golýbev jáne «Áleýmettik kásipkerler qaýymdastyǵy» Qyrǵyzstannyń basqarma tóraǵasy Baqytbek Saǵynaly bul saladaǵy óz tájirıbelerimen bólisti.
