Tarazda 1 mıllıonnan asa gúl egiledi

TARAZ. KAZINFORM – Bıyl Tarazdy kógaldandyrý jumystaryna kóp kóńil bólinbek. Qala aýmaǵynda 12 myń sharshy metr gúlzarǵa 1 mıllıonnan astam gúl egý josparlanǵan. Odan bólek, 15 myń raýshan gúli egiledi.

«15 myń raýshan gúlin qaladaǵy Abaı, Tóle bı, Seıfýllın kóshelerine, Jambyl dańǵylynyń boıyna, saıabaq, skverlerge egý josparlanyp otyr. 627 sharshy metr qazandyqtarymyz bar. Jasyl jelekterdi kútip-baptaý maqsatynda 22 dana sýquıǵysh arnaıy avtokólikter jumyldyrylyp, qosymsha 12 sý uńǵymasy ornatylady», – deıdi «Jasyl el-Taraz» JShS dırektorynyń orynbasary Aıdyn Beısekov.

Aıta keteıik, gúl egý jumystary sáýir aıynyń 15-inen bastalady. Búgingi tańda daıyndyq jumystary, sondaı-aq buryn egilgen 30 myńǵa jýyq raýshan gúlderin ashý jumystary júrip jatyr.