Taraz kóshesinde Qyzyl kitapqa engen jaıra júr
Vıdeo búgin tańǵy saǵat 4-terdiń shamasynda túsirilgen. Qazaqstannyń «Qyzyl kitabyna» sırek kezdesetin jáne joıylyp bara jatqan túr retinde engizilgen janýardyń oblys ortalyǵyna qalaı tap bolǵany belgisiz.
Negizinen Eýrazııa men Afrıkanyń sýbtropıktik jáne tropıktik aımaǵynda tirshilik etetin, Qazaqstanda Talas Alataýynda, Qarataýda, Mańǵystaý túbegindegi taý jotalary men bókterlerindegi ormandar men toǵaılarda, ózen ańǵarlarynda mekendeıtin jaıranyń Jambyl jerinde júrgeni tańdanarlyq jaıt boldy.
Aıta keteıik, budan buryn Jambyl oblysyndaǵy «Merki» qaýmalynda qar barysy, úndi jaırany jáne arqarlardyń sany artyp kele jatqanyn jazǵan bolatynbyz.
Onda Qaýmalǵa qarasty orman qory jerleri men Qyrǵyz Alataýy aýmaǵynda qorǵaý jáne kúzetý jumysy óz nátıjesin kórsete bastady. Óńirimizde bury-sońdy bolmaǵan, «Qyzyl kitapqa» engen arqar, úndi jaırany, túrkistan sileýsini, aqbas búrkit sekildi birqatar ań-qustar paıda bolyp, sany ósýde.
