Taraz qalasynda jylý qýatynyń tarıfi tómendedi

Taraz qalasynyń prokýratýrasy «TarazTransEnergo» ShJQ MKK qyzmetinde 58,4 mln teńge somasyna ınvestıtsııalyq baǵdarlamanyń sharttaryn oryndamaý faktisin anyqtady, dep habarlaıdy Kazinform.

«Jyl saıyn kásiporynda jylý jelilerin, aspaptardy jáne basqa jabdyqtardy jańartý jospary jasalady. Atalǵan maqsatta jylý qýatyn tutynǵany úshin halyqtan túsetin qarajat paıdalanylady. Alaıda mekeme tarapynan M-3 qalalyq magıstralin jańartý boıynsha jyldyq jospar oryndalmaǵan», — dep jazdy baqylaýshy organnan.

Bul rette Taraz qalasy prokýratýrasynyń qadaǵalaý aktisi boıynsha monopolııaǵa qarsy organymen ótemaqy tarıfi engizildi. Nátıjesinde 1 441 abonent pen 225 kásipker úshin jylytý tarıfi ár tekshe metr úshin 2 348,71 teńgeden 2 232,83 teńgege deıin 4,9%-ǵa tómendedi.

Monopolııaǵa qarsy zańnamany buzǵany úshin «TarazTransEnergo» MKK-na 552 myń teńge mólsherinde aıyppul salyndy (ÁQBtK 164-babynyń 4-bóligimen).