Taraz qalasynda kúshti jarylys boldy
TARAZ. KAZINFORM - Taraz qalasynyń Qarasý shaǵyn aýdanynda jarylys boldy. Jaýapty qyzmet onyń sebepterin anyqtap jatyr.
«22 maýsymy saǵat 21:50–de „QazaqGaz Aimaq“ AQ Jambyl óndiristik fılıalynyń jedel-dıspetcherlik qyzmetine Taraz qalasynyń „Qarasý“ shaǵyn aýdanynda kúshti jarylys bolǵany týraly habarlama tústi. Zardap shekkender joq», — dep málimdedi vedomstvodan.
Óńirdegi óndiristik fılıal jarylys ornynda gaz qubyrynyń ótpeı turǵanyn, tótenshe oqıǵa basqa sebeptermen bolǵanyn jáne anyqtalyp jatqanyn habarlady.
«Gaz qyzmetiniń mamandary oqıǵa ornyn gaz analızatorymen tekserip, aýada gaz kontsentratsııasy joqtyǵyna kóz jetkizdi.
Qazirgi ýaqytta oqıǵa orny qorshaýǵa alyndy, barlyq qalalyq qyzmetter oqıǵa ornynda jumys istep jatyr, jarylys sebepteri anyqtalýda. Aldyn ala boljam boıynsha, jerasty joǵary voltty elektr jelisinde qysqa tuıyqtalý oryn alǵan», — deıdi vedomstvonyń qoǵammen baılanys departamentiniń dırektory Muhıt Yqylas.
