12:54, 22 Qazan 2022 | GMT +6
«Taraz» fýtbol komandasynyń bas bapkeri qyzmetinen ketti
ASTANA. QazAqparat - «Taraz» fýtbol komandasynyń bas bapkeri Nurken Mazbaev qyzmetinen ketti, dep habarlaıdy QazAqparat tilshisi.
Komandanyń baspasóz qyzmetiniń habarlaýynsha, klýb pen bas bapker arasyndaǵy eńbek sharty ózara kelisim arqyly toqtatylǵan.
Nurken Mazbaev 1972 jyly dúnıege kelgen. 1992-2007 jyldar aralyǵynda elimizdiń birqatar klýbtarynda dop tepti. 2008 jyldan beri qazaqstandyq klýbtarda túrli qyzmetterdi atqardy. Jyl basynan beri «Taraz» klýbyna bas bapker boldy.
El birinshiliginde atalǵan klýb 27 upaımen 10-orynda tur.
Endi komandanyń bas bapkeriniń mindetin Nurmat Myrzabaev atqarady.
Eske salsaq, budan buryn tarazdyq klýb Qazaqstan kýbogy jartylaı fınalynda Oraldyń «Aqjaıyǵyna» jol berdi.
