Taraz bazarynda membaǵdarlamalardy halyqqa túsindiretin ortalyq ashyldy

TARAZ. QazAqparat – Taraz qalasyndaǵy «Aýyl-Bereke» bazarynda jastarǵa memlekettik baǵdarlamalardy túsindirýge baǵyttalǵan «Keńes berý» konsaltıngilik ortalyǵy jumys isteı bastady, dep habarlaıdy QazAqparat tilshisi.

Konsaltıngilik ortalyqty «Jas Otan» Jastar qanaty ashyp otyr. Onyń ashylýynda Taraz qalasynyń turǵyndaryna medıtsınalyq kómek kórsetildi. Arnaıy jasaqtalǵan medıtsınalyq toptyń meıirbıkeleri kelýshilerdiń qan qysymyn ólshep, densaýlyqty jaqsartýǵa baǵyttalǵan keńesterin aıtty.

Konsýltatsııalar boıynsha 30-dan asa mekemeniń qyzmetin usynyp otyrǵan atalǵan ortalyqtyń jumysy aldaǵy ýaqytta seısenbi-juma kúnderi aralyǵynda júzege asyrylady. Onda «jasotandyq» jastar kún saıyn túrli sala mamandaryn shaqyryp, halyqqa quqyqtyq keńes berýdi uıymdastyrmaq. Bul, memleket beretin múmkindikterdi múlt jibermeı, halyqpen keri baılanys ornatý joldarynyń biri.

«Bazarda jumys jasaıtyn turǵyndardyń kóbisi bizge densaýlyǵyna baılanysty kóptegen ótinishter aıtyp jatady. Sondyqtan da, ortalyqtyń ashylýyna oraı medıtsınalyq kómekti uıymdastyrdyq. Bul, kópshilikke kómek kórsetýge baǵyttalǵan bastama desek bolady. Jalpy, bazardaǵy kóp halyq memleketten berilip jatqan múmkindikterdi tolyq paıdalanbaıdy. Kóbisi – habarsyz. Mine, sol múmkindikterden habar berý úshin, suraqtaryna jaýap alý úshin ortalyqty osy jerden ashyp jatyrmyz», - deıdi oblystyq «Jas Otan» Jastar qanatynyń tóraǵasy Ýálıhan Bolatbek.