Taraz aınalma jolymen júrgeni úshin kólik júrgizýshileri qansha aqsha tóleıdi
ASTANA. KAZINFORM — «Taraz aınalma joly» jalpy paıdalanymdaǵy avtomobıl jolynda aqy alý júıesi engiziledi. Bul jaıynda Kólik mınıstriniń Ashyq NQA portalynda jarııalanǵan buıryǵynda aıtylǵan.
Qujatqa sáıkes, uzyndyǵy 57 shaqyrymdy quraıtyn aqyly avtomobıl jolmen júrip ótý úshin tólem mólsherlemeleri kólikterdiń sanatyna qaraı mynadaı somany quramaq:
— 16 orynǵa deıingi avtobýstar jáne júk kótergishtigi 2,5 tonnaǵa (budan ári — tn) deıin júk avtomobılderi úshin aldyn ala tólem jasalǵanda 330 teńgeni, keıinnen tólengende 390 teńgeni;
— 32 orynǵa deıingi avtobýstar jáne júk kótergishtigi 5,5 tonnaǵa deıin júk avtomobılderi úshin aldyn ala tólem jasalǵanda 670 teńgeni, keıinnen tólengende 790 teńgeni;
— 32 orynnan asatyn avtobýstar jáne júk kótergishtigi 10 tonnaǵa deıin avtopoezdar úshin aldyn ala tólem jasalǵanda 1 010 teńgeni, keıinnen tólengende 1 190 teńgeni;
— júk kótergishtigi 10 tonnadan joǵary 15 tonnaǵa deıingi júk avtomobılderi úshin aldyn ala tólem jasalǵanda 1 360 teńgeni, keıinnen tólengende 1 590 teńgeni;
— júk kótergishtigi 15 tonnadan joǵary, onyń ishinde tirkelgish jáne ershikti tartqyshtar úshin aldyn ala tólem jasalǵanda 1 679 teńgeni, keıinnen tólengende 1 980 teńgeni quraıdy.
Avtokólik quralynyń túrine jáne júk kótergishtigine baılanysty jergilikti avtokólik úshin 1 aılyq jáne 1 jyldyq abonementter qarastyrylǵan.
Atap aıtqanda:
— 16 orynǵa deıingi avtobýstar jáne júk kótergishtigi 2,5 tonnaǵa (budan ári — tn) deıin júk avtomobılderi úshin 1 aıǵa 3 692 teńge, 1 jylǵa 44 304 teńge;
— 32 orynǵa deıingi avtobýstar jáne júk kótergishtigi 5,5 tonnaǵa deıin júk avtomobılderi úshin 1 aıǵa 7 384 teńge, 1 jylǵa 88 608 teńge;
— 32 orynnan asatyn avtobýstar jáne júk kótergishtigi 10 tonnaǵa deıin avtopoezdar úshin 1 aıǵa 11 076 teńge, 1 jylǵa 132 912 teńge;
— júk kótergishtigi 10 tonnadan joǵary 15 tonnaǵa deıingi júk avtomobılderi úshin 1 aıǵa 14 768 teńge, 1 jylǵa 177 216 teńge;
— júk kótergishtigi 15 tonnadan joǵary, onyń ishinde tirkelgish jáne ershikti tartqyshtar úshin 1 aıǵa 18 460 teńge, 1 jylǵa 221 520 teńge bolady.
Aıta keteıik, Tarazaınalma jolyn aqyly negizde paıdalaný merzimi 20 jyl dep belgilenbek. Buıryq jobasy 9 qyrkúıekke deıin qoǵamdyq talqylaýǵa shyǵarylyp otyr.
