Taratylǵan «Zerde» holdınginiń shotynda bolǵan 4 mlrd teńge qaıda ketti
Tsıfrlyq damý jáne aeroǵarysh ónerkásibi mınıstrligi «Zerde» holdıngi taratylǵannan keıin mekeme shotynda qansha qarajat qalǵanyn jarııa etti, dep habarlaıdy QazAqparat tilshisi.
«Zerde» holdınginiń esep shotynda qalǵan 4,07 mlrd teńge somasyndaǵy qarajat respýblıkalyq bıýdjettiń kirisine 2023 jylǵy 22 maýsymdaǵy 234 tólem tapsyrmasymen aýdarylǵanyn habarlaımyz», – delingen redaktsııanyń resmı saýalyna vedomstvo bergen jaýapta.
Sondaı-aq Tsıfrlyq damý jáne aeroǵarysh ónerkásibi mınıstrliginiń málimetinshe, «Zerde» holdıngin taratý Qazaqstandaǵy memlekettik basqarýdy tsıfrlandyrý men tsıfrlyq transformatsııalaýdy odan ári damytý protsesine teris áser etpeıdi.
Ony júzege asyrý «Aqparattandyrý týraly» QR Zańy sheńberinde ýákiletti organnyń basshylyǵymen ári qaraı jalǵastyrylatynyn jáne tsıfrlyq transformatsııa, aqparattyq-kommýnıkatsııalyq tehnologııalar jáne 2023 - 2029 jyldarǵa arnalǵan kıberqaýipsizdik salasyn damytý tujyrymdamasyn iske asyrýǵa baǵyttalǵan.
Aıta ketsek, 2022 jyldyń sáýir aıynda Memleket basshysy Qasym-Jomart Toqaev «Zerde» holdıngin reformalaýdy tapsyrdy. Úkimettiń keńeıtilgen otyrysy kezinde Prezıdent eldegi tsıfrlandyrý qarqynyn synǵa alǵan edi. Ótken jyldyń tamyz aıynda «Zerde» holdıngin taratý týraly sheshim qabyldandy.
«Men esep komıtetiniń synyna ushyraǵan «Zerde» ulttyq holdınginiń jumysyn jaqsartýdy tapsyrdym», – degen edi Qasym-Jomart Toqaev.