Tanymal jýrnalıst Dıas Ahmetshárip komaǵa tústi

ASTANA. KAZINFORM — Dárigerler tanymal jýrnalıst Dıas Ahmetshárip komaǵa túskenin rastady.

Mańǵystaý oblystyq kópsalaly aýrýhana baspasóz qyzmetiniń málimetine qaraǵanda, Dıas Ahmetsháriptiń mıyna qan quıylyp, komaǵa tústi. Ol qazir dárigerlerdiń baqylaýynda jatyr.

D. Ahmetshárip birneshe kún buryn áleýmettik jelidegi paraqshasynda Aqtaýǵa issaparmen kelgeni jaıynda vıdeo jarııalaǵan.

Eske salsaq, 2023 jyldyń kúzinde Dıas Ahmetshárip Týrızm jáne sport mınıstriniń qoǵammen baılanys jáne BAQ jónindegi keńesshisi qyzmetine taǵaıyndalǵan. 

Sonymen qatar ol Іshki ister mınıstrligi janyndaǵy esirtki qylmysyna qarsy kúres jónindegi keńestiń quramynda jumys istep júr.

Ol eńbek jolyn 1997 jyly Qazaq radıosynyń reporteri bolyp bastaǵan. Uzaq jyldar «Habar» agenttigi men «Qazaqstan» telearnasynda sport jýrnalısi bolǵan.

«Qazsport» memlekettik telearnasynyń tuńǵysh dırektory, «Insport» telearnasynyń bas redaktory qyzmetin atqarǵan.

2003-2007 jj. — QR Sport jáne týrızm isteri agenttiginiń baspasóz qyzmetiniń basshysy, baspasóz hatshysy;

2010 — 2012 jj. — «Astana-SK» korporatıvtik qorynyń qoǵammen baılanys departamentiniń dırektory (Sportty qoldaý qory);

2012-2013 jj. — QR Sport jáne dene shynyqtyrý isteri agenttigi Tóraǵasynyń keńesshisi.
Olımpıada jáne Azııa oıyndarynyń, sport túrlerinen álem chempıonattarynyń sport sholýshysy jáne QR quramasynyń baspasóz attashesi bolǵan.