Tanymal stendap-ázilkesh «Taza Qazaqstan» aktsııasyn qoldady

ASTANA. KAZINFORM - Belgili stendap-ázilkesh Evgenıı Chebatkov elorda turǵyndary men qonaqtaryn «Taza Qazaqstan» ekoaktsııasyn qoldaýǵa shaqyrdy, dep jazdy Astana ákimdiginiń resmı saıty.

«Sálem, dostar! Qurmetti hanymdar men myrzalar! Men Astanaǵa kelgen kezde «Taza Qazaqstan» aktsııasy týraly estidim. Maǵan aktsııanyń mán-jaıy týraly túsindirgende ony jaqsy maǵynasynda aıtqanda birden juqtyryp aldym. Men ózim Shyǵys Qazaqstannyń týmasy bolǵandyqtan, tabıǵatymyzdyń bizdiń qorǵaýymyzǵa qanshalyqty muqtaj ekenin jaqsy bilemin», - dedi Evgenıı Chebatkov.

Tanymal ártis taza qalanyń ıgiligi men eldiń órkendeýi úshin barsha qazaqstandyqtardy osy aktsııaǵa qatysýǵa shaqyrdy.

«Sondyqtan biz birge ómir súrip jatqan keńistikti kún saıyn taza jáne jaqsyraq ete túseıik», - dedi Evgenıı Chebatkov.

Stendap ázilkesh aktsııanyń basty maqsaty bolashaq urpaq aldyndaǵy jaýapkershilik dep sanaıdy.

«Biz bolashaq urpaqty múldem basqasha, jaqsy ómirge baǵyttaımyz», - dep túıindedi Evgenıı Chebatkov.