Tamyz aıynda elimizdegi ınflıatsııa 0,4 paıyzdy qurady - Statıstıka komıteti
Atap aıtqanda, baǵa azyq-túlik emes taýarlaryna ótken aıda 1,1 paıyz, aqyly qyzmetterge - 0,4 paıyzǵa ósken, al azyq-túlik taýarlaryna - 0,1 paıyzǵa tómendegen. Budan bólek, tamyz aıynda respýblıka boıynsha ortasha baǵa ósimi taýyqqa 10,4 paıyz, taýyqtyń sıraǵyna - 9 paıyz, jumyrtqaǵa - 3,6 paıyz, kúrishke - 2,5 paıyz, qantqa - 2,3 paıyz, unǵa - 1,5 paıyz, jańa aýlanǵan balyqqa - 1,4 paıyz, arpa jarmaǵa - 1,3 paıyzǵa, súzbege - 1,2 paıyz, suly jarmaǵa, sary maıǵa - 1,1 paıyz, untaq jarmaǵa, máıekti irimshikke - 0,8 paıyz, kondıterlik ónimderge, shaıǵa - 0,7 paıyz, shujyq, et ónimderine, qyshqyl sút ónimderine - 0,6 paıyz dan belgilendi. Sonymen qatar, baǵanyń tómendeýi kartopqa 19,9 paıyz, jańadan jınalǵan kókónisterge - 10,6 paıyz, jańadan jınalǵan jemisterge - 0,9 paıyz, kúnbaǵys maıyna - 0,6 paıyzǵa tirkelgen. Baǵa ósimi oqýshylardyń ranetsi, sómkesine 6 paıyz, keńse taýarlary men syzý quraldaryna - 4,3 paıyz, oqý-anyqtamalyq ádebıetke - 1,6 paıyz, kıim jáne aıaqkıimge - 0,6 paıyz, farmatsevtıkalyq ónimderge - 0,4 paıyz, jýǵysh jáne tazalaǵysh quraldarǵa - 0,3 paıyz qurady. Budan bólek, komıtet aqparatyna sáıkes, baǵa benzınge orta eseppen 8,3 paıyz, atap aıtqanda AI-92 markaly benzınge - 11,3 paıyz, AI-95, 96 - 4,5 paıyz, AI-98 - 3 paıyzǵa ósti. «Sonymen qatar, baǵa deńgeıi densaýlyq saqtaý qyzmetterine 1,4 paıyz, jolaýshylar kóligi - 0,8 paıyz, meıramhanalar men qonaq úıler - 0,7 paıyz, turǵyn úı-jaılardy jóndeý jáne qyzmet kórsetý boıynsha - 0,5 paıyz, shashtarazdar men jeke qyzmet kórsetý oryndarynyń - 0,3 paıyzǵa joǵary boldy. Turǵyn úı-kommýnaldyq qyzmetter salasynda tarıfter taratý jelileri boıynsha tasymaldanatyn gazǵa 1,4 paıyz, ystyq sýǵa - 0,4 paıyz, turǵyn úıdi kútip ustaýǵa - 0,2 paıyz ǵa ósti», - delingen baspasóz baıanynda.