Talıban ókilderi Aýǵanstannyń kópshilik aýmaǵyn basyp aldy - BAQ

NUR-SULTAN. QazAqparat – «Talıban» jaýyngerleri (qozǵalys Qazaqstanda terrorıstik dep tanylyp, oǵan tyıym salynǵan - avtor) Aýǵanstandy basyp alýdy jalǵastyrýda: jeksenbi tańerteń olar soǵyssyz Djelalabadty aldy, búgin Mazarı-Sharıf soǵyssyz berildi. AQSh áskerıleri Aýǵanstandaǵy dıpmıssııa qyzmetkerlerine kómektesý úshin Kabýlǵa qaıta oralýda, dep habarlaıdy QazAqparat VVS silteme jasap.

«Qazir Djelalabadta qaqtyǵys joq, sebebi gýbernator «Talıbanǵa» berildi. Bul azamattardyń ómirin qutqaryp qalýdyń jalǵyz amaly, sondyqtan talıbterge kirýge ruqsat berdi», - dedi jeksenbi tańerteń Djelalabadtaǵy belgisiz sheneýnik.

Djelalabad – Nangarhar provıntsııasyndaǵy ákimshilik ortalyq. Ol Kabýldyń shyǵysynda, el astanasy men Pákistannyń shekarasynda ornalasqan. Senbi kúni keshke talıbter Aýǵanstannyń soltústigindegi iri qalalardyń biri Mazarı-Sharıfti basyp alǵan bolatyn.

Eske salsaq, «Talıban» qozǵalysynyń sodyrlary Aýǵanstannyń mańyzdy ári iri qalalaryn basyp aldy. Halyqaralyq uıymdar dabyl qaǵyp Aýǵanstanda sońǵy 72 saǵatta ondaǵan bala qaza tapqanyn jarııalady.

Sondaı-aq, QR dıplomatııalyq mıssııasy Kabýlda shekteýli quramda jumysyn jalǵastyrýda.