Talǵat Orynbasar Astanada dzıýdodan ótken týrnırde kúmis medal aldy
ASTANA.KAZINFORM - Búgin Astana qalasynda jalaýyn kótergen dzıýdodan Qazaqstan Barysy Grand Slam týrnırinde Talǵat Orynbasar (60 keli) kúmis medal aldy.
Qazaqstandyq balýan fınalda reseılik Iznaýr Saaevpen altyn júldeni sarapqa saldy. Beldesý barysynda ol qarsylasyna vazarı ádisimen jeńilip qaldy. Osylaısha týrnırdiń kúmis medalin qanaǵat tutty.
Talǵat Orynbasar qazirge deıin jastar men jasóspirimder arasyndaǵy álem chempıonatynda úsh márte qola medal aldy. Oǵan qosa Azııa chempıonatynda jáne Eýropa Kýbogynda birneshe altyn enshiledi.
Al 60 kelide jartylaı fınalda Aman Baqytjan Ońtústik Koreıa balýany Lı Harım, Maǵjan Shamshadın frantsııalyq Djın Ensony qapy qaldyryp, qola júldege qol sozdy.
Sondaı-aq endi Ǵusman Qyrǵyzbaev (66 keli) fınalda reseılik Ramazan Abdýlaevpen kúresedi.
Atalǵan jarys nátıjesinde IJF erejelerine sáıkes jarystyń jeńimpazdary men júldegerleri arasynda álemdik jáne olımpıadalyq reıtıngilerde upaılar bólinedi. Atap aıtqanda, І oryn úshin — 1 myń, kúmis júldegerge — 700, al qola medal alǵanǵa 500 upaı esepteledi.
Elordadaǵy Jaqsylyq Úshkempirov atyndaǵy jekpe-jek saraıynda ótetin bul dodaǵa 48 elden 400-den astam sportshy qatysady dep josparlanǵan.
Osyǵan deıin Astanadaǵy týrnırde Talǵat Orynbasar altynǵa talasatyny týraly jazdyq.