Talǵat Ermegııaevqa merziminen buryn bosap shyǵýǵa ruqsat berilmedi
QONAEV. KAZINFORM – «Astana EKSPO - 2017» ulttyq kompanııasynyń burynǵy basshysy Talǵat Ermegııaev merziminen buryn bostandyqqa shyqpaıdy.
Sot otyrysy Alataý qalasynda ótti. Almaty oblysy sotynyń baspasóz qyzmeti málimetinshe, shartty túrde merziminen buryn bosatý týraly ótinish qaralyp, ol qanaǵattandyrylǵan joq.
Eske salaıyq, «Astana EKSPO-2017» Ulttyq kompanııasynyń burynǵy basshysy Talǵat Ermegııaev 2015 jyldyń 12 maýsymynda úıqamaqqa alynǵan.
2016 jyly 9 maýsymda ol Astana qalasynyń qylmystyq ister jónindegi aýdanaralyq mamandandyrylǵan sotynyń úkimimen 14 jylǵa bas bostandyǵynan aıyrylǵan bolatyn. Sondaı-aq sot T.Ermegııaevten «Astana EKSPO-2017» kompanııasyna 5,9 mlrd teńgeni qaıtarý jóninde úkim shyǵardy.
2017 jyly «Astana EKSPO-2017» ulttyq kompanııasynyń burynǵy basshysy Talǵat Ermegııaevqa jazasyn óteý úshin qolaıly jaǵdaı jasaǵan túrmeniń 16 laýazymdy tulǵasy jaýapqa tartyldy.
2018 jyly Talǵat Ermegııaevke qamqorlyq jasaǵan Astanadaǵy kolonııa basshysy sottaldy.