Talǵat Dúısekov: Nur Otan partııasyn qoldaýshylar lıgasy - halyq pen bılik arasyndaǵy kópir
«Partııany qoldaýshylar lıgasy –ártúrli saladaǵy qyzmet usynǵan adamdar. Bul tirkeý bastalǵanyn jarııalaǵannan beri praımerızdiń ashyq, obektıvti ótýin baqylaıtyn adamdar. Bul lıga men úshin halyq pen partııa arasynda kópir ispetti», - deıdi Talǵat Dúısekov.
Ol praımerızge kez kelgen adam qatysa alatyny qýantatynyn aıtty.
«Ár adam baǵyn, kúshin synap, praımerızge qatysa alady. Bılik kóshbasshy partııa arqyly halyq únine qulaq túrgeni qandaı jaqsy boldy. Mundaı múmkindik - shynaıy demokratııaǵa bir qadam jaqyndaý. Bılik partııasy halyq partııasyna aınalýy - tarıhı qadam der edim. Praımerızde jeńgen adamdar halyqpen bir tolqynda bolyp, olardyń qalaýyna qulaq túredi dep oılaımyn. «Halyq únine qulaq túretin memleket« halyq tańdaýlylary arqyly júzege asady», - deıdi ol.
Onyń aıtýynsha, praımerız qanshalyqty ashyq, ádil ótetindigi týraly másele talqylanǵan.
«Partııanyń birinshi orynbasary bári ádil, ashyq túrde ótetinine kózimizdi jetkizdi. Munyń bári praımerızdiń qorytyndysy shyqqan kezde belgili bolady. Men bıznes ókilderi retinde dóńgelek ústelge qatystym. Qazaqstanda orta tapqa erekshe kóńil bólý kerek degen qorytyndyǵa keldim. Shaǵyn jáne orta bıznesti damytý kerek», - deıdi kásipker.
